Ռուսաստանի դեմ ԱՄՆ-ի և Արևմուտքի այլ պատժամիջոցները ոչ մի անակնկալ չմատուցեցին։ Այս կարծիքն է հայտնել ամերիկյան Navigator Principal Investors ներդրումային ընկերության տնօրեն Քայլ Շոստակը։

Ռուսաստանի Դաշնությունը 1.3 միլիարդ եվրոյի միջպետական ​​վարկ կհատկացնի Ռեշտ-Աստարա երկաթգծի շինարարության համար: Ինչպես Այս մասին Թեհրանում լրագրողներին ասել է ՌԴ փոխվարչապետ Ալեքսանդր Նովակը:

Եվրոպական դիվանագիտության ղեկավար Ժոզեպ Բորելը Financial Times-ի (FT) հարցազրույցում ասել է, որ Եվրամիությանը հայտնի է, որ Հնդկաստանը մեծ ծավալով ռուսական նավթ է գնում՝ վերամշակելուց հետո Եվրոպային վաճառելու համար։

Bloomberg-ի տվյալներով՝ գագաթնաժողովին ընդառաջ G7-ի երկրների դեսպանատներին հանձնարարվել է մանրամասն գրի առնել Չինաստանի ազդեցությունը Աֆրիկայի, Լատինական Ամերիկայի, Կենտրոնական և Հարավարևելյան Ասիայի երկրներում՝ պարզելու նրանց տնտեսական խոցելիության ռիսկերը։

Եվրահանձնաժողովը ԵՄ-ի երկրներին առաջարկներ է ներկայացրել Ռուսաստանի դեմ պատժամիջոցների նոր՝ 11-րդ փաթեթի վերաբերյալ: Նոր փաթեթում ներառված են նաև սահմանափակումները շրջանցելու դեմ ձեռնարկվող միջոցառումներ: Այս մասին հաղորդում է Le Monde-ը:

Համաշխարհային տնտեսությունը կարող է բաժանվել թշնամական բեւեռների, կա նման վտանգի աճի միտում, դա վնասակար կլինի բոլորի, ներառյալ Եվրոպայի համար, զգուշացրել է Արժույթի միջազգային հիմնադրամի (ԱՄՀ) կարգադրիչ-տնօրեն Կրիստալինա Գեորգիեւան։

Վրաստանը 2022 թվականին համաշխարհային շուկաներ է մատակարարել 103 միլիոն լիտր գինի: Այս մասին հայտնում է Վրաստանի շրջակա միջավայրի պահպանության և գյուղատնտեսության նախարար Օթար Շամուգիան։

«Մեծ յոթնյակի» (G7) երկրները՝ Մեծ Բրիտանիան, Գերմանիան, Իտալիան, Կանադան, Ֆրանսիան, Ճապոնիան եւ ԱՄՆ-ն, ներկա պահին չեն կարողացել պայմանավորվել ածխային գեներացիայից հրաժարվելու ժամկետի շուրջ։

Չինաստանը դարձել է զարգացող երկրների խոշորագույն վարկատուներից մեկը՝ ստեղծելով անդրսահմանային վարկավորման նոր գլոբալ համակարգ: Այս մասին են վկայում AidData հետազոտական ​​լաբորատորիայի տվյալները։

Շրջակա միջավայրն աղտոտող մեքենաների վաճառքի փուլային դադարեցումը վերջնական հավանություն է ստացել ԵՄ-ում և կդառնա օրենք: Օրենսդրության ընդունումը մի քանի շաբաթով հետաձգվել էր Գերմանիայի կողմից ընդդիմության արժանանալու պատճառով:

Ռուսաստանը դարձել է Իրանում ամենախոշոր արտասահմանյան ներդրողը` ընթացիկ ֆինանսական տարում ներդնելով 2.76 միլիարդ դոլար: Financial Times-ում հրապարակված հարցազրույցում այս մասին հայտնել է Իրանի էկոնոմիկայի և ֆինանսների նախարար Էհսան Խանդուզին։

Ռուսաստանում առաջ է եկել Superjet 100-ի (SSJ100) թռիչքների դադարեցման վտանգ՝ ԱՄՆ արտադրության այրման մոմերի դեֆիցիտի պատճառով, որոնք օգտագործվում են ռուս-ֆրանսիական SaM146 շարժիչներում, ուրբաթ՝ մարտի 17-ին տեղեկացրել է ՌԲԿ գործակալությունը՝ հղում կատարելով այն վեց ավիաընկերությունների աշխատակիցներին, որոնք նման ինքնաթիռներ են շահագործում։

Արտերկրից ՏՏ ոլորտում ռուսական ընկերությունների աշխատողների շրջանում պոպուլյարությամբ երկրորդ տեղում Հայաստանն ու Թուրքիան են: Այս երկրներում են հաստատվել աշխատակիցների 12%-ը։ Ցանկում ներառված են Ղազախստանը (10,6%), Սերբիան (7%), Գերմանիան (4,2%), Իսրայելը (3,6%), Մեծ Բրիտանիան (3,4%) և Թաիլանդը (3,3%)։

Ռուսաստանի նախագահ Վլադիմիր Պուտինը ԵԱՏՄ-ի համար հրատապ խնդիր է անվանել այն վտանգների նվազեցումը, որոնք փոխադարձ առեւտրի համար ստեղծում է օտարերկրյա արժույթի եւ վճարային համակարգերի օգտագործումը, նշվել է նախագահի ուղերձում, որը հրապարակվել է Կրեմլի կայքում։

Ռուսաստանում 2023 թվականի մարտի 1-ից կթանկանան ծխախոտները, ինչպես նաեւ վեյփերի համար նախատեսված հեղուկները։