«Մեծ յոթնյակի» (G7) երկրները՝ Մեծ Բրիտանիան, Գերմանիան, Իտալիան, Կանադան, Ֆրանսիան, Ճապոնիան եւ ԱՄՆ-ն, ներկա պահին չեն կարողացել պայմանավորվել ածխային գեներացիայից հրաժարվելու ժամկետի շուրջ։ Ֆրանսիայի էներգետիկայի նախարար Անյես Պանիե-Ռունաշերի խոսքերը մեջբերել է Bloomberg գործակալությունը։
G7-ի երկրները համաձայնել են արագացնել չթուլացող պեղածո վառելիքից փուլային հրաժարման գործընթացը, բայց չեն կարողացել ածխից հրաժարվելու ժամկետի մասին համաձայնագիր կնքել»,- ասել է Պանիե-Ռունաշերը ճապոնական Սապորո քաղաքում տեղի ունեցած մամուլի ասուլիսում, որտեղ այս օրերին ընթանում է G7-ի երկրների էներգետիկայի նախարարների գործնական հանդիպումը։
Նա նաեւ ավելացրել է, որ տեսանելի ապագայում դաշինքի երկրներում չպետք է նոր ածխային էլեկտրակայաններ բացվեն։ Հակառակ դեպքում G7-ի՝ էներգետիկ անցման արագացման պլանները կարող են խափանման վտանգի առջեւ հայտնվել։
Ապրիլի 15-ին Bloomberg գործակալությունը, հղում կատարելով Ֆրանսիայի էներգետիկայի նախարար Անյես Պանիե-Ռունաշերին, տեղեկացրել է, որ G7-ի երկրները համաձայնել են արագացնել պեղածո վառելիքից փուլային հրաժարման գործընթացը։ Այս որոշումը պաշտպանել են նաեւ Մեծ Բրիտանիայի, Գերմանիայի, Իտալիայի, Կանադայի, Ճապոնիայի եւ ԱՄՆ-ի էներգետիկայի նախարարները։
news.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться