Բորելը պատժամիջոցների կոչ է արել՝ սահմանափակելու համար ռուսական նավթի ձեռքբերումը Հնդկաստանի կողմից

Եվրոպական դիվանագիտության ղեկավար Ժոզեպ Բորելը Financial Times-ի (FT) հարցազրույցում ասել է, որ Եվրամիությանը հայտնի է, որ Հնդկաստանը մեծ ծավալով ռուսական նավթ է գնում՝ վերամշակելուց հետո Եվրոպային վաճառելու համար։ Բորելի կարծիքով՝ ԵՄ-ն պետք է լրացուցիչ միջոցներ ձեռնարկի Հնդկաստանի հանդեպ՝ ռուսական նավթի ձեռքբերումը կանխելու համար։

«Եթե դիզելային վառելիքը կամ բենզինը Եվրոպա է գալիս Հնդկաստանից եւ արտադրվում է ռուսական նավթից, ապա դա, անշուշտ, պատժամիջոցների շրջանցում է, եւ ԵՄ անդամ երկրները պետք է միջոցներ ձեռնարկեն»,- ասել է եվրոպական դիվանագիտության ղեկավարը։

FT-ն նշել է, որ Հնդկաստանը դարձել է ռուսական հում նավթի ամենամեծ գնորդներից մեկն Ուկրաինայում ռազմական հակամարտության սկսվելուց հետո։ Հնդկական նավթավերամշակող ձեռնարկությունները սկսել են մեծ ծավալով շահույթ ստանալ ի հաշիվ զգալի զեղչով ռուսական հում նավթի ձեռքբերման։

Վերամշակումից հետո վառելիքը Հնդկաստանից մատակարարվում է Եվրամիության եկրներ։ Այդ առեւտուրը չի խախտում ավելի վաղ Ռուսաստանի դեմ մտցված պատժամիջոցները, սակայն ենթարկվում է քննադատության նրանց կողմից, ովքեր կոչ են անում ավելի կոշտ սահմանափակումներ մտցնել, գրել է FT-ն։

Ժոզեպ Բորելի խոսքով՝ ռուսական նավթի գների սահմանափակումը, որը 2022թ. դեկտեմբերին մտցրին G7-ի, Եվրամիության երկրները եւ Ավստրալիան մեկ բարելը 60 դոլարի չափով, թույլ է տվել կրճատել Ռուսաստանի վառելիքի վաճառքից ստացվող եկամուտները։ «Այն, որ Հնդկաստանը ռուսական նավթ է գնում, նորմալ է։ Մեր սահմանափակումների շնորհիվ Հնդկաստանը կարող է շատ ավելի էժան նավթ գնել։ Իսկ որքան քիչ փող ստանա Ռուսաստանը, այնքան լավ»,- ավելացրել է նա։

Միեւնույն ժամանակ, Բորելն ընդգծել է, որ եթե հնդկական կողմն օգտագործի ռուսական նավթը եվրոպական երկրներին վերավաճառելու համար, «անհրաժեշտ կլինի գործել»։ Եվրոպական դիվանագիտության ղեկավարի կարծիքով՝ ցանկացած մեխանիզմ, որը թույլ կտա կրճատել ռուսական նավթի վաճառքը, պետք է իրականացվի Եվրամիության երկրների «ազգային իշխանությունների» կողմից։

news.am


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Տնտեսական նորություններ այլ երկրներից
• 2024-ից Ամստերդամը ԵՄ-ում ամենաբարձր տուրիստական ​​հարկը կսահմանի• ԵՄ-ն նախապատրաստում է ՌԴ-ի դեմ պատժամիջոցների 12-րդ փաթեթը• Եվրոպայի գազի պահուստները վերադարձել են ռեկորդային մակարդակի• Կանադան դադարեցրել է Հնդկաստանի հետ առևտրային համաձայնագրի շուրջ բանակցությունները• Ինդոնեզիան ներդնում է «ոսկե վիզայի» համակարգ՝ օտարերկրյա ներդրողների համար• Ռուսաստանը հարստացել է նույնիսկ պատերազմի ու պատժամիջոցների ֆոնին, մինչդեռ Արևմուտքը կորցրել է տրիլիոնավոր դոլարներ• Եգիպտոսը պայմանագիր է կնքել 235 հազար տոննա ռուսական ցորենի մատակարարման համար• Օգոստոսի 1-ից Վրաստանը պատժամիջոցների պատճառով սահմանափակել է ամերիկյան մեքենաների մատակարարումը Ռուսաստան• ԵԱՏՄ երկրների համար շոկոլադին ներկայացվող միասնական պահանջներն ուժի մեջ կմտնեն հուլիսի 25-ից

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն