ՏՏ ոլորտում Հայաստանի եւ Իսրայելի գործակցությունն ապագա ունի: Այս մասին այսօր՝ հուլիսի 26-ին, ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանի հետ հանդիպման ժամանակ նշել է եռօրյա պաշտոնական այցով Հայաստան ժամանած Իսրայելի տարածաշրջանային համագործակցության նախարար Ցախի Հանեգբին:
Նախարարությունից NEWS.am-ին հայտնում են, որ նախարար Մարտիրոսյանը, ողջունելով հյուրերին, կարեւորեց գործընկերոջ այցը Հայաստան` հույս հայտնելով, որ այն կխորացնի հայ-իսրայելական համագործակցությունը տրանսպորտի, հեռահաղորդակցության, ինչպես նաեւ ՏՏ ոլորտներում:
Ցախի Հանեգբին ընդգծեց բոլորովին վերջերս Հայաստան-Իսրայել ուղիղ չվերթների ներդնումը, որպես երկու երկրների միջեւ գործակցության խթան:
Ցախի Հանեգբիի հարցին ի պատասխան` նախարար Վահան Մարտիրոսjանը ներկայացրեց Հայաստանի տրանսպորտային համակարգն ու սպասվող ծավալուն բարեփոխումների ծրագիրը:
Վահան Մարտիրոսյանը հեռանկարային համարեց ՏՏ ոլորտում երկու երկրների համագործակցությունը` նկատի ունենալով երկու ժողովուրդների մտավոր մեծ ներուժը: Նա նշեց, որ Հայաստանում գործող մի քանի տեխնոլոգիական կենտրոններ ուրախ կլինեն իրենց հարկի տակ ընդունել իսրայելական ՏՏ ընկերություններին:
Վահան Մարտիրոսյանը Տարածաշրջանային համագործակցության նախարարին եւ իսրայելական ՏՏ ընկերություններին այդ համատեքստում հրավիրեց ներկա գտնվելու աշնանը Երեւանում կայանալիք ամենամյա «ԴիջիԹեք Էքսպո» տեխնոլոգիական ցուցահանդեսին:
Ցախի Հանեգբին նույնպես կարեւորեց ՏՏ ոլորտի զարգացման հեռանկարները եւ համոզմունք հայտնեց, որ այդ բնագավառում երկու երկրների միջեւ գործակցությունն ապագա ունի:
Նախարար Վահան Մարտիրոսյանը Ցախի Հանեգբիին ներկայացրեց նաեւ Հայաստանում հեռահաղորդակցության ոլորտի զարգացման ուղղությունները, օպերատորների կողմից ներդրվող նոր տեխնոլոգիաները` նշելով, որ նրանք արդեն իսկ օգտագործում են նաեւ իսրայելական սարքավորումներ:
Կիբերանվտանգության համատեքստում նախարարները անդրադարձան երկու երկրներում այս ոլորտի պատասխանատու կառույցների գործունեությանն ու անվտանգությանն ուղղված միջոցառումներին:
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться