Ապրիլի 22-ին «Ռոսսելխոզնադզոր»-ի ղեկավար Սերգեյ Դանկվերտը բանակցություններ է վարել Հայաստանի սննդամթերքի անվտանգության տեսչական մարմնի ղեկավար Արմեն Հայրապետյանի հետ։ Դրա մասին NEWS.am -ին հայտնել են «Ռոսսելխոզնադզոր»-ի մամուլի ծառայությունից։
Իրավասու գերատեսչությունների ղեկավարները Հայաստանից Ռուսաստան միրգ-բանջարեղենի մատակարարումների զգալի աճ են արձանագրել։
Այսպես, ապրիլի 20-ի դրությամբ Հայաստանի Հանրապետությունից ՌԴ է ներկրվել է 20,8 հազար տոննա ապրանք, ինչը 1,9 անգամ ավելի է նախորդ տարվա նույն ժամանակահատվածի համեմատ, երբ ներկրվել էր 11 հազար տոննա։ Հայաստանը Ռուսաստան է ներմուծում հիմնականում խաղող, լոլիկ և վարունգ։
Հաշվի առնելով ձեռք բերված պայմանավորվածությունները՝ «Ռոսսելխոզնադզոր»-ն ապրիլի 22-ից հայկական 4 ընկերությունների, դրանց թվում՝ «Լուլա» ՍՊԸ-ին, «Էկոտավուշ» ՍՊԸ-ին, «Էրփին» գյուղատնտեսական կոոպերատիվին և «Գոլդեն Գաթ» ՓԲԸ-ին թույլատրել է կաթնամթերք մատակարարել Ռուսաստան։
Երկխոսության ավարտին Սերգեյ Դանկվերտը և Արմեն Հայրապետյանը գոհունակություն են հայտնել Ռուսաստանի և Հայաստանի միջև գործարար և առևտրային հարաբերությունների բարձր մակարդակի առնչությամբ և վերահաստատել՝ համագործակցությունն առաջընթաց տեմպով զարգացնելու իրենց մտադրությունը։
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться