Մայիսի 27-ին նախարարի տեղակալ Տիգրան Գաբրիելյանը մասնակցել է Հայաստանի ազգային ագրարային համալսարանի կողմից կազմակերպված «Հին ընկերներ, նոր հնարավորություններ» խորագրով հայ-իրանական ագրոտեխնոլոգիական առաջին համաժողովին։
Միջոցառման նպատակն էր ստեղծել արդյունավետ և կայուն համագործակցություն Հայաստանի Հանրապետության և Իրանի Իսլամական Հանրապետության ագրոտեխնոլոգիական կազմակերպությունների, բուհերի և այդ ոլորտի պատասխանատուների միջև։
Ողջունելով համաժողովի կազմակերպիչներին ու մասնակիցներին՝ Տիգրան Գաբրիելյանը կարևորել է երկու երկրների միջև բազմաբնույթ համագործակցությունը․ «Այսօրվա համաժողովը շատ կարևոր է ինչպես երկու պետությունների միջև բարեկամական հարաբերությունների և համագործակցության հետագա ընդլայնման, այնպես էլ գործարար կապերի կայացման և խորացման համար։ Անշուշտ, համագործակցության խորացման լավագույն միջոց է նաև այս համաժողովի անցկացումը, որը հայ և իրանցի մասնագետներին հնարավորություն կընձեռի հաստատել կապեր՝ գյուղատնտեսության ոլորտում փոխշահավետ համագործակություն ծավալելու համար»։
Ամփոփելով իր խոսքը՝ Տիգրան Գաբրիելյանը համաժողովի մասնակիցներին մաղթել է հաջողություն և արգասաբեր աշխատանք։
ՀԱԱՀ ռեկտոր Վարդան Ուռուտյանն իր ելույթում նշել է, որ վերջին երեք տարիների ընթացքում Հայաստանի ազգային ագրարային համալսարանը մեծ առաջընթաց է ունեցել կրթական ծրագրերի, լաբորատոր ենթակառուցվածքների արդիականացման ուղղությամբ՝ ստեղծելով բարենպաստ միջավայր` ուսանելու, դասավանդելու և հետազոտական գործունեություն իրականացնելու համար։ Նա նաև հավելել է, որ ՀԱԱՀ-ը բարձր է գնահատում Իրանի Իսլամական Հանրապետության հետ համագործակցելու և բարեկամ Իրանի հետ տեխնոլոգիական ու նորարարական կարողություններով կիսվելու հնարավորությունը:
Հայաստանում Իրանի Իսլամական Հանրապետության արտակարգ և լիազոր դեսպան Աբբաս Բադախշան Զոհուրին իր ողջույնի խոսքում շնորհակալություն է հայտնել համալսարանի ղեկավար կազմին միջոցառումը կազմակերպելու համար։ Կարևորելով նորագույն տեխնոլոգաների արդյունավետ օգտագործումը գյուղատնտեսության ոլորտում՝ դեսպանը նշել է, որ համալսարանների դերը գիտելիքի փոխանցումը գործում անգնահատելի է, իսկ գիտելիքի և փորձի փոխանակումը երկու երկների մասնագետների միջև մեծ ձեռքբերում կարելի է համարել։
Միջոցառման ընթացքում իրանցի մասնագետները ներկայացրել են Իրանի գյուղատնտեսության ոլորտի նորարարությունները, բերել հայ-իրանական բարեհաջող և արդյունավետ համագործակցության օրինակներ։ Քննարկվել է նաև ՀԱԱՀ-ի փորձը ագրոտեխնոլոգիայի ոլորտում, ներկայացվել են ոլորտի զարգացման վերաբերյալ առաջարկներ։
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться