«Դելոյտ»-ը մտնում է հայկական շուկա

Ֆիրմաների միջազգային «Դելոյտ» միավորումը տեղեկացնում է Երևանում իր նոր գրասենյակի պաշտոնական բացման մասին, որը թվով 17–րդն է ԱՊՀ–ում և առաջինը' Հայաստանում։

«Ֆիրման ռազմավարական որոշում է կայացրել Երևանում գրասենյակ բացելու վերաբերյալ' տեղական ընկերությունների հետ իր երկարաժամկետ փոխհարաբերությունների հետագա ընդլայնման և երկրի արագ զարգացող տնտեսության պայմաններում ակտիվ գործունեություն ծավալելու նպատակով»,– ասվում է ընկերության պաշտոնական կայքում տեղադրված հաղորդագրության մեջ։

Արդեն ավելի քան 20 տարի «Դելոյտը» գործունեություն է ծավալում ԱՊՀ–ում, և ներկա պահին ընկերության աշխատակիցների թիվը տարածաշրջանում հաշվառում է շուրջ 3 հազար մարդ։

«Բացի ԱՊՀ–ում «Դելոյտի» ևս մի գրասենյակ բացելուց, մենք չափազանց ուրախ ենք Հայաստանի շուկա մուտք գործել, որը, ինչպես մենք ենք կարծում, զգալի հնարավորություններ է բացում մեր հետագա աճի համար։ Մեր փորձագետները բոլոր անհրաժեշտ գիտելիքներն ու փորձն ունեն հաճախորդների բիզնեսի զարգացման հավակնոտ ծրագրերի իրականացման համար։ Եվ մենք պատրաստ ենք աջակցել Հայաստանին և նրա բիզնես միջավայրին' տարածաշրջանի հսկայական ներուժը բացահայտելու ուղղությամբ»,– ասել է ԱՊՀ–ում «Դելոյտ» ընկերության գլխավոր տնօրեն Դևիդ Օուենը։

Նոր գրասենյակի ղեկավար կդառնա Սրբուհի Հակոբյանը, ով կհամատեղի իր գործունեությունը որպես Մոսկվայում և Երևանում աուդիտի գծով գործընկեր։ Նա աշխատանքի զգալի փորձ ունի այնպիսի բնագավառներում, ինչպիսիք են' բանկային գործը, մեծածախ առևտուրը, անշարժ գույքը, առողջապահությունը և արտադրությունը։ Սրբուհին Երդվյալ և որակավորված հաշվապահների ասոցիացիայի (АССА) և Հայաստանի հաշվապահների և աուդիտորների ասոցիացիայի (ՀՀԱԱ) անդամ է։

«Երևանում նոր փորձառության համար բավական զգայուն ժամանակաշրջան է, և ես կցանկանայի օգտվել այս հնարավորությունից և ողջունել մեր բոլոր նոր աշխատակիցներին: Վստահ եմ, որ մեզ կհաջողվի հզոր թիմ ստեղծել, որը բարձրորակ ծառայություններ կտրամադրի։ Ես անհամբեր սպասում եմ հնարավորությանը' մեր հաճախորդներին պրոֆեսիոնալ ծառայությունների մատուցման ուղղությամբ մեր աշխատանքի բացառիկ արդյունքները ցուցադրելու համար, ինչպես նաև նպաստելու տարածաշրջանում «Դելոյտի» մասնակից ֆիրմաների հաճախորդների տեղական և միջազգային բազայի ընդլայնմանը»,– հայտնել է Սրբուհին։

ԱՊՀ–ում «Դելոյտ» ընկերությունն առաջատար աուդիտորական և խորհրդատվական ֆիրմաներից մեկն է, որը աուդիտի, խորհրդատվության, կորպորատիվ ֆինանսների, ռիսկերի կառավարման և հարկման ու իրավունքի հարցերով խորհրդակցության բնագավառում ծառայություններ է մատուցում' օգտագործելով տարածաշրջանի 10 երկրների 16 գրասենյակների շուրջ 3000 աշխատակիցների մասնագիտական փորձը։

Աղբյուրը՝ newsarmenia.ru