Իսպանիան շահագրգռված է Հայաստանում միջին կարգի հյուրանոցների ցանց բացելու հարցում, չորեքշաբթի ասուլիսի ժամանակ հայտնեց ՀՀ էկոնոմիկայի փոխնախարար Արա Պետրոսյանը' ներկայացնելով հունվարի 30-ից մինչև փետրվարի 1-ն ընկած ժամանակահատվածում Իսպանիայի Թագավորություն կատարած իր պաշտոնական այցի արդյունքները:
Ըստ նրա' ընթացիկ տարվա ապրիլին Հայաստան կայցելի Իսպանիայի հյուրանոցային ցանցերի ներկայացուցիչների պատվիրակությունը, որը կծանոթանա Հայաստանի հյուրանոցային բիզնեսի հնարավորություններին և ներուժին, ինչպես նաև երկրի ներդրումային մթնոլորտին:
Նա տեղեկացրեց, որ Իսպանիայում հայկական պատվիրակությունը հանդիպել է հյուրանոցային ցանցերի և պետական տուրիստական գործակալությունների ներկայացուցիչների հետ, քննարկել է զբոսաշրջության ոլորտում երկկողմ համագործակցության զարգացման հեռանկարները և հայկական շուկայում իսպանական հյուրանոցային ցանցերի մուտք գործելու հարցերը:
Հանդիպումից հետո ՀՀ էկոնոմիկայի նախարարության և Իսպանիայի Թագավորության Էներգետիկայի և զբոսաշրջության նախարարության զբոսաշրջության հարցերի քարտուղարության միջև զբոսաշրջության ոլորտի համագործակցության մասին փոխըմբռնման հուշագիր ստորագրվեց:
Բացի այդ, երկկողմ տուրիստական կապերի զարգացման խթանման նպատակներով, ընթացիկ տարվա աշնանը Մադրիդում և Իսպանիայի այլ քաղաքներում Հայաստանի մասին ակտիվ գովազդային արշավ կանցկացվի, մասնավորապես' հայկական մշակույթի օրեր և տուրիստական փառատոն:
Ըստ Էկոնոմիկայի նախարարության տվյալների' Իսպանիայից Հայաստան այցելած զբոսաշրջիկների քանակը 2012թ.-ին կազմել է շուրջ 3 հազար մարդ:
Աղբյուրը՝ newsarmenia.ru
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться