• Armenianeconomy.com

Քննարկվել են Հայաստանը գերմանացի ներդրողների համար գրավիչ դարձնելու հնարավորությունները.Տիգրան Խաչատրյանն ընդունել է Հայաստանում ԳԴՀ դեսպանին

ՀՀ էկոնոմիկայի նախարար Տիգրան Խաչատրյանն այսօր ընդունել է Հայաստանում Գերմանիայի արտակարգ և լիազոր դեսպան Միխայել Յոհաննես Բանցհաֆին և «Բեռլին էկոնոմիկսի» տնօրեն Ռիկարդո Գիուչիին։

Նախարարը, ողջունելով հյուրերին, նշել է․ «Վերջին ամիսների աշխատանքը  ցույց է տալիս, որ ունենք արձանագրված հաջողություններ և շատ կարևոր առաջիկա անելիքներ։ Շնորհակալ եմ համատեղ գրանցված արդյունքների համար»։

Դեսպանը շնորհակալություն է հայտնել նախարարին ընդունելության համար՝ նշելով․ «Մեր այսօրվա հանդիպման նպատակը արդյունավետ համագործակցության շարունակականության ապահովումն է։ Ուրախալի իրողություն է ՀՀ էկոնոմիկայի նախարարության կողմից Ներդրողների աջակցման կենտրոնի ստեղծումը, ինչը կդյուրացնի թե՛ օտարերկրյա ներդրողների հետ աշխատանքն առհասարակ, և թե՛ «Բեռլին էկոնոմիկսի» հետ համագործակցության ձևաչափն ու նրանց կողմից տրվող աջակցությունը։ Որախ կլինենք նաև այսօր քննարկել մեր հետագա փոխգործակցությունը․ Ձեր գնահատականը կարևոր է մեզ համար` կողմնորոշվելու, թե որ կարիքներին կարող է ուղղվել ԳԴՀ կառավարության կողմից տրվող խորհրդատվական աջակցությունը»։

Նախարար Խաչատրյանը շնորհակալություն է հայտնել ուղիղ աջակցության պատրաստակամության համար և նշել, որ արդյունավետ կլինի այնպես ուղղել այդ աջակցությունը, որ Ներդրողների աջակցման կենտրոնը ճիշտ և պատշաճ արձագանքի Հայաստանում ներկայացված գերմանական ներդրողների կարիքներին: Նախարարը կարևորել է Հայաստանում առկա ներդրումային հնարավորությունների ճիշտ ձևակերպումը գերմանացի ներդրողների համար։

Կողմերը պայմանավորվել են վեր հանել մի քանի ոլորտներ, որոնք ներկայումս առավել հետաքրքիր են գերմանացի գործարարներին ներդրումներ կատարելու տեսանկյունից, ինչպես նաև ձևակերպել դրանց վերաբերյալ առավել մանրամասն առաջարկներ։

Հանդիպման մասնակիցները քննարկել են նաև ընթացիկ տարվա աշնանը հայ-գերմանական գործարար համաժողովի անցկացման հնարավությունները և կազմակերպչական մանրամասներ։

«Բեռլին էկոնոմիկսի» տնօրեն Ռիկարդո Գիուչին իր խոսքում նշել է․«Մենք արդյունավետ համագործակցություն ենք հաստատել Էկոնոմիկայի նախարարության և Ներդրողների աջակցման կենտրոնի հետ և ընթացիկ աջակցություն ենք ցուցաբերում հայկական կողմին գործարար համաժողովի կազմակերպման և այլ անհրաժեշտ հարցերում։ Ուրախ ենք համագործակցել նախարարության հետ նաև տնտեսական հետազոտությունների ոլորտում։ Աշխատանքներ ենք իրականացնում առաջանցիկ  ցուցանիշների համակարգի ձևավորման ուղղությամբ»։

Տիգրան Խաչատրյանը շեշտել է, որ համագործակցության օրակարգի կարևոր կետերից մեկը հենց հետազոտական ուղղությունն է։ Կողմերը քննարկել են համակարգի ներդրմանն առնչվող հարցերի շրջանակ։

Հանդիպման ընթացքում կարևորվել է անհրաժեշտ կարողությունների զարգացումը և գիտելիքների ստացումը, գերմանական կողմը վերահաստատել է այս ուղղությամբ շարունակական աջակցության պատրաստակամությունը։

Կողմերն անդրադարձել են նաև հատուկ արդյունաբերական գոտիների նշանակության և այդ ոլորտում պետական քաղաքականության ուսումնասիրությունների հարցին։

Հանդիպման ավարտին նախարար Տիգրան Խաչատրյանը հավաստիացրել է հյուրերին, որ աշխատանքները կիրականացվեն այնպես, որպեսզի նախարարությանը հասցեագրված աջակցությունն ու ջանքերը  օգտագործվեն ամենաարդյունավետ ձևով։


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Միջազգային համագործակցություն
• Հայաստանն ու Չինաստանը շահագրգռված են համագործակցության զարգացմամբ. վարչապետը հրաժեշտի հանդիպում է ունեցել ՉԺՀ դեսպանի հետ• Կայացել է Հայ-ամերիկյան ռազմավարական երկխոսության նիստի առցանց խորհրդակցությունների բազմաոլորտ համագործակցության վերաբերյալ նիստը• ԱՄՆ Եվրոպական հրամանատարության կողմից բժշկական պարագաներ են հատկացվել Արմավիրի մարզպետարանին• Տնտեսական համագործակցության և այլ հարակից ոլորտների ենթակոմիտեի նիստ ՀՀ և ԵՄ միջև• ՎԶԵԲ-ը Հայաստանին 10.6 միլիոն վարկ կտրամադրի` Մեղրիում նոր անցակետի կառուցման համար• Նոր համաձայնագիր. Ղազախստանից Հայաստան նավթամթերքների առաքումը կազատվի մաքսատուրքից• Սփյուռքահայ չորս երիտասարդներ, «իԳործ» ծրագրի շրջանակներում, աշխատանքի կանցնեն Աշխատանքի և սոցիալական հարցերի նախարարությունում• Փոխնախարար Արման Խոջոյանն ու ԱՄՆ դեսպան Լին Թրեյսին այցելել են «Արմբերրի» ընկերություն• «Հայփոստը» դուստր կազմակերպություն կհիմնի Չինաստանում

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն