Հայաստանի էկոնոմիկայի նախարարությունը Մաքսային միությանն անդամակցելու համար անհրաժեշտ առաջարկություններ է մշակում, հինգշաբթի կառավարության նիստից հետո լրագրողներին ասաց Հայաստանի էկոնոմիկայի նախարար Վահրամ Ավանեսյանը։
Ըստ նրա, նախարարության գերակա խնդիրն այս պահին անհրաժեշտ օրենսդրական փոփոխություններ նախապատրաստելն է։
«Չեմ կարծում, թե դրանք շատ են, դրանց հիմնական մասը միջազգային համաձայնագրերի համաձայնեցման և ստորագրման հարցն է»,– ասաց Ավանեսյանը' ընդգծելով, որ աշխատանքները տարվում են աշխատանքային ծրագրին համապատասխան։
Ինչ վերաբերում է Հայաստանի' Մաքսային միությանը միանալու Ճանապարհային քարտեզի հրապարակմանը, ապա, նախարարի խոսքով, դա պետք է իրականացնի Եվրասիական մարմինը։
Հայաստանի և Ռուսաստանի նախագահներ Սերժ Սարգսյանի և Վլադիմիր Պուտինի' 2013 թվականի սեպտեմբերի 3–ին կայացած բանակցությունից հետո հայտարարվել է, որ Հայաստանը մտադիր է միանալ Մաքսային միությանը և հետագայում մասնակցել Եվրասիական տնտեսական միության ձևավորման գործընթացին։ Հայաստանի' Մաքսային միությանը միանալու Ճանապարհային
քարտեզը հաստատվել է դեկտեմբերի 24–ին Մոսկվայում, Եվրասիական տնտեսական գերագույն խորհրդի նիստում։
Աղբյուրը՝ arka.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться