Հուլիսի առաջին օրերից Գեղարքունիքի մարզում մեկնարկել է անասնակերի բերքահավաքը։
Ինչպես «Արմենպրես»-ին տեղեկացրեց Գեղարքունիքի մարզպետարանի գյուղատնտեսության եւ բնապահպանության վարչության պետ Մարտին Պետրոսյանը, նախորդ տարվա համեմատ այս տարի անասնապահական տնտեսությունները բավարար չափով անասնակեր կուտակելու հնարավորություն կունենան, քանի որ խիտ բուսածածկույթ է ձեւավորվել ցանովի ու բնական խոտհարքերում, ինչպես նաեւ արոտավայրերում։
Գործի են դրվել բոլոր տեխնիկական, ինչպես նաեւ ավանդական միջոցները։ «Հուլիսի 12-ի դրությամբ արդեն մարզում կուտակվել է մոտ 5 հազար տոննա անասնակեր։ միջին բերքատվությունը կազմում է 2-3 տոննա՝ 1 հեկտարից։ Առանձին տեղերում 1 հեկտարից հավաքվում է մինչեւ 5-6 տոննա բերք։ Եղած տեխնիկական միջոցները միանգամայն բավարար են բերքահավաքը ամբողջովին ու ժամանակին կամզակերպելու համար։ Առայժմ բերքահավաքն ընթանում է ցածրադիր գոտիներում։
Միակ խնդիրը դիզվառելիքի գինն է, որ նախորդ տարվա նույն ժամանակահատվածի համեմատ աճել է 220 դրամով՝ հասնելով 670 դրամի՝ մեկ լիտրի դիմաց, ինչն իր հերթին բերում է անասնակերի ինքնարժեքի բարձրացման, որն էլ իր հերթին ազդելու է գյուղմթերքների գների վրա։ Բայց, անկախ դրանից, տնտեսությունները կձգտեն անասնակերը հավաքել ամբողջությամբ։ Անասնայկերի բերքահավաքը կընթանա նաեւ օգոստոս-սեպտեմբեր ամիսների ընթացքում»,-ներկայացրեց Մարտին Պետրոսյանը։
Խոսրով Խլղաթյան
armenpress.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться