Սեւան համայնքի ավագանու առաջին նստաշրջանի վերջին՝ 5-րդ նիստում հաստատվել է համայնքի հնգամյա զարգացման ծրագիրը։
Ինչպես «Արմենպրես»-ին տեղեկացրին Սեւանի համայնքապետարանի աշխատակազմից, համայնքի հնգամյա զարգացման ծրագրի մշակմանը նախորդել են մի շարք աշխատանքներ, կազմակերպվել են հանրային քննարկումներ, գնահատվել են բնակավայրի կարիքներն ու առաջնահերթությունները, ի մի են բերվել կարեւորագույն ծրագրերը։
2022-2026 թվականների զարգացման ծրագրում ներառվել են նաեւ «ԴԱՐ» հիմնադրամի կողմից իրականացվող «Գագարին» ներդրումային ծրագրով նախատեսված հնգամյա ժամանակահատվածի ծրագրերը։ Զարգացման ծրագրի բաղկացուցիչ մաս է դարձել նաեւ Սեւան համայնքի մշակութային զարգացման ռազմավարությունը։
Զարգացման ծրագրում ներառված մի շարք աշխատանքներ արդեն իսկ կյանքի կկոչվեն 2022 թվականին՝ սուբվենցիոն եւ այլ բնույթի ծրագրերի տեսքով։
Սեւան համայնքի ավագանին հավանության է արժանացրել ներկայացված ծրագիրը եւ հաստատել այն։
Սեւան համայնքի ավագանու երկրորդ նստաշրջանը կմեկնարկի սեպտեմբեր ամսին։
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться