ՌԴ-ից Հայաստան ներկրվող բնական գազի ծավալները 2013 թվականի հունվար-հունիս ամիսների ընթացքում, նախորդ տարվա համեմատ, 7,2%-ով նվազել են ՝ կազմելով 945 մլն խ.մ, հայտնում է «ՀայՌուսգազարդ» ընկերության մամուլի ծառայությունը։
Նշված ժամանակահատվածում իրացվել է 825.7 մլն խ.մ, ինչը 2,2%-ով պակաս է նախորդ տարվա ցուցանիշից:
Նախորդ տարվա համեմատ' բնական գազի սպառման ծավալները 15,4%-ով նվազել են էներգետիկայի ոլորտի կողմից՝ կազմելով 84.8 մլն խ.մ: Սպառման ծավալները նվազել են նաև 10%-ով բնակչության և 5,8%-ով այլ սպառողների կողմից՝ կազմելով համապատասխանաբար 300.7 և 97.7 մլն խ.մ:
Ընթացիկ տարվա առաջին կիսամյակում նախորդ տարվա համեմատ ավելացել են 13,6%- ով արդյունաբերության ոլորտի եւ 10,7%- ով ԱԳԼՃԿ-ների կողմից իրացված բնական գազի ծավալները՝ կազմելով համապատասխանաբար 135.4 մլն խ.մ եւ 207 մլն խ.մ:
«ՀայՌուսգազարդ» ՓԲԸ-ն Հայաստանի ներքին շուկայում ռուսական բնական գազի մատակարարման և բաշխման մենաշնորհային իրավունք ունի։ Ընկերությունը ստեղծվել է 1997թ.-ին, ընկերության բաժնետերերն են «Գազպրոմ» ԲԲԸ-ն և Հայաստանի կառավարությունը։
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться