Եվրասիական մաքսային միությանն անդամակցելու դեպքում Հայաստանը չի կարող Եվրամիության հետ կնքել Խորը եւ համապարփակ ազատ առեւտրի համաձայնագիրը, որի նախապատրաստական աշխատանքները մտել են ավարտական փուլ: Այդ մասին հունիսի 24-ին, լրագրողների հետ հանդիպման ժամանակ ասաց տնտեսագետ Սամվել Ավագյանը:
Խնդիրն այն է, որ ցանկացած մաքսային միությանն անդամակցած երկիրը պարտավորվում է երրորդ երկրի հետ առեւտրի պայմաններ քննարկել բացառապես մաքսային միության միջոցով: Սրանով մաքսային միությունները տարբերվում են ազատ տնտեսական գոտիներից: Նշենք, որ Հայաստանը ԱՊՀ երկրների հետ արդեն իսկ կնքել է երկկողմ եւ բազմակողմ ազատ առեւտրի համաձայնագրեր, եւ այդպիսի համաձայնագիր ցանկանում է կնքել նաեւ Եվրամիության հետ:
Տնտեսագետը նշեց, որ ԱՊՀ-ն ու ԵՄ-ն Հայաստանի կարեւոր գործընկերներն են, յուրաքանչյուրին բաժին է ընկնում մեր արտաքին առեւտրաշրջանառության 29-30%-ը: Այդ պատճառով մեր երկրին շահավետ է երկու ուղղությամբ էլ շարունակել ինտեգրման գործընթացները: Սակայն խնդիր կարող է առաջանալ միայն այն դեպքում, եթե Եվրասիական տնտեսական միության հետ ինտեգրումը շարունակվի մինչեւ մաքսային միության կազմի մեջ մտնելը:
Նշենք, որ Հայաստանը ներկայում ԵվրԱզԷս-ում ունի դիտորդի կարգավիճակ:
Աղբյուրը՝ news.am
Լուսանկարը՝ Արսեն Սարգսյանի
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться