ՊԵԿ-Ն ԻՐԱՎԱՏԵՐԵՐԻՆ ՀՈՐԴՈՐՈՒՄ Է ԳՐԱՆՑԵԼ ՄՏԱՎՈՐ ՍԵՓԱԿԱՆՈՒԹՅԱՆ ՕԲՅԵԿՏՆԵՐԸ
Պետական եկամուտների կոմիտեի կողմից ներդրված մտավոր սեփականության օբյեկտների պաշտպանությանն ուղղված հսկողական գործիքակազմի շարունակական կատարելագործմամբ տարեցտարի բարձրանում է մաքսային մարմինների կողմից կեղծ ապրանքների նկատմամբ հսկողության արդյունավետությունը: Նոր մոտեցումը վերաբերում է իրավատերերի և մտավոր սեփականության օբյեկտի ներմուծման և արտահանման իրավունք ունեցող անձանց ավելի թիրախային տարանջատմանը և նրանց կողմից իրականացվող գործարքների դեպքում խնդիրների բացառմանը։
Գործիքակազմի արդյունավետ կիրառման շնորհիվ մտավոր սեփականության իրավունքի պաշտպանությանն ուղղված միջոցառումների արդյունավետությունն աճել է մոտ 70 տոկոսով։ Այսպես, եթե 2018թ.-ին մտավոր սեփականության օբյեկտների պաշտպանության հիմքով թիրախավորվել է ապրանքային 565 հայտարարագիր և մաքսային մարմինների կողմից 149 դեպքով որոշում է կայացվել կասեցնել ապրանքների բացթողումը, ապա 2021թ.-ին թիրախավորվել է 4471 հայտարարագիր և ապրանքների բացթողումը կասեցնելու որոշում է կայացվել 485 դեպքով։ Իսկ արդեն 2022թ. 1-ին եռամսյակում թիրախավորված 954 հայտարարագրից՝ 159 դեպքով կայացվել է ապրանքների բացթողումը կասեցնելու որոշում։
Մտավոր սեփականության իրավունքի լիարժեք պաշտպանության նպատակով ՊԵԿ-ը իրավատերերին հորդորում է գրանցել մտավոր սեփականության օբյեկտները: Օրենսդրությամբ սահմանված կարգով իրավատերը պետք է դիմում ներկայացնի Պետական եկամուտների կոմիտե՝ մտավոր սեփականության օբյեկտի գրանցման և ցանկացած մաքսային ընթացակարգով այդ ապրանքների բացթողումը կասեցնելու խնդրանքով:
Մանրամասները՝ տեսանյութում:
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться