Պետական եկամուտների կոմիտեն տեղեկացնում է, որ 2022թ. մայիսի 25-ին ՀՀ ԱԺ կողմից ընդունվել են ««Շահումով խաղերի, ինտերնետ շահումով խաղերի և խաղատների մասին» օրենքում փոփոխություններ և լրացում կատարելու մասին» ՀՕ-138-Ն և ««Վիճակախաղերի մասին» օրենքում փոփոխություններ և լրացում կատարելու մասին» ՀՕ-139-Ն օրենքները, որոնցով սահմանվել են մի շարք փոփոխություններ:
Մասնավորապես, շահումով խաղերի, խաղատների գործունեության կազմակերպիչը խաղասրահում խաղանիշերի (ժետոնների) փոխանակումը, ինչպես նաև շահումների փոխանցումը (վճարումը) կատարում է միայն անկանխիկ եղանակով այն հաշիվներին, որոնցից կատարվել են մասնակցության համար նախատեսված անկանխիկ վճարները: Արգելվում է անմիջականորեն (խաղասրահի միջոցով) ինտերնետ շահումով խաղերի կազմակերպման դեպքում մասնակցության համար նախատեսված վճարների ընդունումը և շահումների տրամադրումը կանխիկ գումարով:
Փոփոխությամբ արգելվում է տոտալիզատորի մասնակիցների հաշիվներին դրամական միջոցներ մուտքագրել և ելքագրել կանխիկ եղանակով: Նշված հաշիվները համալրվում են և հաշիվներից գումարը ելքագրվում է միայն անկանխիկ եղանակով: Անմիջականորեն (խաղասրահի միջոցով) խաղացողների կողմից կատարվող խաղադրույքների կատարումը կամ կազմակերպիչների կողմից խաղացողներին տրված անհատական խաղային քարտերին դրամական միջոցների համալրումն իրականացվում է անկանխիկ եղանակով:
Վերոնշյալ դրույթներն ուժի մեջ են մտնում 2022թ. հունիսի 18-ին:
Միաժամանակ փոփոխություններով սահմանվել են նաև, որ այդ անկանխիկ գործարքները 2022թ. դեկտեմբերի 8-ից պետք է իրականացվեն միայն բանկային հաշիվների կամ քարտերի միջոցով:
ՊԵԿ-ը հորդորում է խստագույնս առաջնորդվել բացառապես օրենքի դրույթներով՝ օրենսդրությամբ սահմանված պատասխանատվության միջոցներից խուսափելու նպատակով:
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться