2021թ. Էկոնոմիկայի նախարարության գյուղատնտեսական ծրագրերի համար ճշգրտված տարեկան բյուջեն կազմել է 26 մլրդ 216 մլն 114 հազար դրամ, կատարողականը եղել է 95,38 տոկոս: Այս մասին տեղեկացրել է ՀՀ էկոնոմիկայի նախարար Վահան Քերոբյանը ՀՀ ԱԺ տարածքային կառավարման, տեղական ինքնակառավարման, գյուղատնտեսության եւ բնապահպանության ու ֆինանսավարկային եւ բյուջետային հարցերի մշտական հանձնաժողովների հունիսի 3-ի համատեղ նիստում:
Գյուղատնտեսական համախառն արտադրանքը հաշվետու տարում կազմել է 933 մլրդ դրամ: Գյուղատնտեսական ՀՆԱ-ն նվազել է 1,1 տոկոսով: Վահան Քերոբյանի պարզաբանմամբ` այս ցուցանիշի համար նպաստող գործոն է հանդիսացել սակավաջրությունը:
Զեկուցողն անդրադարձել է հաջողությամբ իրականացված գյուղատնտեսության արդիականացման ծրագրերին: Նրա խոսքով` գյուղատնտեսությունում գլխավոր մարտահրավերն է գյուղատնտեսության խոշորացումն ու արտադրողականության ավելացումը:
Վահան Քերոբյանը պատասխանել է պատգամավորների հարցերին, պարզաբանումներ է ներկայացրել հաշվետու տարում խաղողի մթերման հետ կապված խնդիրների, 2022 թ. կանխատեսվող իրավիճակի վերաբերյալ: Անդրադարձ է կատարվել Լարսի անցակետում բեռնափոխադրումներին առնչվող հարցերին եւ լուծման հնարավոր ուղիներին:
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться