Մայիսի 18-ին Ազգային ժողովում կայացել է աշխատաժողով` նվիրված Հայաստանի եւ Եվրոպական միության միջեւ կնքված Համապարփակ եւ ընդլայնված գործընկերության համաձայնագրում տեղ գտած տնտեսական հարցերի քննարկմանը: Աշխատաժողովը կայացել է ԵՄ Թվինինգ ծրագրի շրջանակում, որն իրականացվում է Հայաստանի Ազգային ժողովի համար` Հունաստանի եւ Իտալիայի խորհրդարանների հետ համագործակցությամբ:
Հունաստանի խորհրդարանի կողմից ծրագրի ղեկավար Էլենի Կանելոպոլուն բացման խոսքում կարեւորել է փորձի փոխանակման արդյունավետությունը երեք խորհրդարանների համար էլ:
Հայաստանում Հունաստանի դեսպանության տնտեսական եւ առեւտրային հարաբերությունների վարչության ղեկավար Ալեքսանդրա Րուվան անդրադարձել է ՀԸԳՀ ուժի մեջ մտնելու արդյունքում ՀՀ-ԵՄ միջեւ առեւտրաշրջանառության ծավալների մեծացմանը:
Եվրոպացի փորձագետները ներկայացրել են ԵՄ հրահանգները` ուղղված առեւտրային զեղչերի կանոնակարգմանը, հունական եւ իտալական փորձը` ապրանքների եւ ծառայությունների շուկայի կարգավորման ոլորտում: Մասնագետները ներկայացրել են նաեւ ԱԺ մշտական հանձնաժողովների կողմից առեւտրային զեղչերի կանոնակարգմանն ուղղված օրինագծերի վերաբերյալ իրենց ուսումնասիրության արդյունքները, որին հետեւել է քննարկում խորհրդարանների աշխատակիցների միջեւ:
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться