ՄԱԿ–ի պարենի և գյուղատնտեսության կազմակերպությունը (ՊԳԿ) 2013 թվականի համար կանխատեսում է ցորենի արտադրության համաշխարհային աճ' մինչև 690 մլն տոննա, ինչը 4.3 տոկոսով շատ է 2012 թվականի ցուցանիշից։
Միաժամանակ ավելի վաղ' նախորդ տարվա նոյեմբերին ՊԳԿ–ն կանխատեսել էր ցորենի' 5.5 տոկոսանոց և ֆուրաժային հացահատիկի' 2.5–տոկոսանոց կրճատում, ասվում է ՊԳԿ–ի կայքում։
Հաղորդագրության համաձայն, արտադրության աճ է գլխավորապես ակնկալվում Եվրոպայում, ինչը պայմանավորված է ցանքատարածքների ավելացումով' մի շարք երկրներում, մասնավորապես, Ռուսաստանի Դաշնությունում բարձր գներով և գյուղատնտեսական արտադրության վերականգնումով։
Վերջին հանգամանքը հատկապես կարևոր է Հայաստանի համար, քանի որ Ռուսաստանը հացահատիկի հիմնական մատակարարներից է։ Մաքսային ծառայության տվյալներով, 2012 թվականին ցորենի ընդհանուր ծավալի 91.6 տոկոսը Հայաստան է ներկրվել հենց Ռուսաստանի Դաշնությունից։
Միաժամանակ ռուսական ցորենի ներկրման ծավալները բացարձակ թվերով կազմել է մոտ 437.8 հազար տոննա' 2011 թվականի 190.5 հազար տոննայի դիմաց։
Բացի այդ, նախորդ տարվա օգոստոսին սերմնաբուծության զարգացման ծրագրի շրջանակներում Հայաստանը ստացել է մոտ 640 տոննա ռուսական էլիտար ցորեն, ինչը 2014 թվականին կապահովի 3000-3500 տոննա էլիտար ցորենի առկայություն, որը հետագայում կբաշխվի մենատնտեսների միջև։
Հանրապետության Ազգային վիճակագրական ծառայության տվյալներով, Հայաստանում հացահատիկի տարեկան սպառումը կազմում է 650-720 հազար տոննա, որից միայն պարենային կարիքներին' 435-450 հազար տոննա։ Պակասը լրացվում է ներկրման հաշվին, որի ծավալը վերջին հինգ տարիներին տարեկան կազմել է 380-420 հազար տոննա։
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться