• Armenianeconomy.com

Խաղողի մթերումների մեկնարկին ընդառաջ նախարարը հանդիպել է վերամշակող ընկերությունների ներկայացուցիչների հետ

31 օգոստոսի 2021 | Գյուղատնտեսություն | Цитата

Էկոնոմիկայի նախարար Վահան Քերոբյանը օգոստոսի 31-ին կազմակերպել էր հանդիպում  վերամշակող ընկերությունների ներկայացուցիչների հետ՝ խաղողի մթերումների իրականացմանը վերաբերող հարցերն ու խաղողագործության ոլորտում առկա խնդիրները քննարկելու նպատակով: Հանդիպմանը ներկա էր նաև նախարարի տեղակալ Արման Խոջոյանը:

Վահան Քերոբյանը նշել է, որ հանդիպման հիմնական նպատակն է խաղողի մթերումների գործընթացը սահուն կազմակերպելու համար ընթացիկ հարցերի քննարկումն ու պարզաբանումը և վերամշակողների կողմից առաջարկների ներկայացումը։  

Նախարարը հանդիպման մասնակիցներին ներկայացրել է պետության կողմից գյուղատնտեսական հումքի մթերումների նպատակով տրամադրվող վարկերի տոկոսադրույքների սուբսիդավորման ծրագրում իրականացված փոփոխություններն ու ընթացակարգերը։

Նախարարի տեղակալ Արման Խոջոյանն իր հերթին տեղեկացրել է, որ բանկերում գրավի խնդիրը մեղմելու նպատակով պետական աջակցության ծրագրի շրջանակում առաջին անգամ վերամշակողներին կտրամադրվի 50%-ի չափով պետական երաշխիք։

Հանդիպման ընթացքում քննարկվել են նաև հայկական գինեգործական և կոնյակագործական արտադրանքի մարքեթինգին և բրենդավորմանը, արտասահմանյան շուկաներում հայկական գինու և կոնյակի ճանաչելիության ու մրցունակության բարձրացմանն առնչվող մի շարք հարցեր։

Այնուհետև հանդիպման մասնակիցները ներկայացրել են իրենց ընկերություններում առկա խնդիրներն ու խոչընդոտները, բարձրաձայնել իրենց հուզող հարցերը, որոնց վերաբերյալ տրվել են պատասխաններ ու պարզաբանումներ։

Առանձին անդրադարձ է կատարվել Վրաստանի տարածքով կոնյակի սպիրտ և գինի տարանցիկ տեղափոխման ընթացքում առաջացող խնդիրներին, արտաքին շուկաներում հայկական գինիների անխոչընդոտ վաճառքի կազմակերպմանը։

Հանդիպման ընթացքում նախարար Վահան Քերոբյանը նաև ներկայացրել է   հայկական գինիների ճանաչելիության բարձրացման և գինեգործական տուրիզմի զզարգացման ուղղությամբ պետության կողմից ձեռնարկվող քայլերը, որոնց թվում է առաջիկայում նախատեսվող գինեգործության վրա հիմնված ագրոտուրիստական խոշոր կենտրոնի ստեղծումը։


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Գյուղատնտեսություն
• Հայաստանը կրճատում է բույսերի հիվանդությունների եւ վնասատուների դեմ պայքարի ծրագիրը• Ցանկացողները հնարավորություն կունենան հացահատիկային մշակաբույսերը ապահովագրել նաև «երաշտ» ռիսկից• Ճամբարակում այս տարի բերքի տակ կլինի ընդհանուր վարելահողերի 35-40 տոկոսը• Հողօգտագործողներին մատչելի գներով ազոտական, ֆոսֆորական և կալիումական պարարտանյութերի ձեռքբերման աջակցության ծրագիրն ընթանում է բնականոն հունով• Գյուղատնտեսության ոլորտի պետական աջակցության ծրագրերից օգտվելու նպատակով Գեղարքունիքի մարզի բնակչության շրջանում իրականացվում են իրազեկման աշխատանքներ• Շիրակի մարզում բացվել է տոհմային ոչխարաբուծության նոր կենտրոն• ՀՀ կառավարությունը կսուբսիդավորի պարարտանյութերի գնի 50%-ը• Հայաստանում այս տարի կհամարակալվի և կհաշվառվի 800 հազար գլուխ խոշոր եղջերավոր կենդանի. ականջապիտակներին կլինի QR կոդ• Քննարկվել են գինեգործության ոլորտի զարգացման հեռանկարները

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն