«Քաղաքացիական պայմանագիր» խմբակցության պատգամավոր, Առողջապահության եւ սոցիալական հարցերի մշտական հանձնաժողովի նախագահի թեկնածու Նարեկ Զեյնալյանը շատ կարևոր է համարում բնակչության համար դեղերի հասանելիությունը և մատչելիությունը:
Ինչպես տեղեկացնում է «Արմենպրես»-ը, Զեյնալյանը ԱԺ բարձր ամբիոնից իր եզրափակիչ ելույթում նշեց, որ Հայաստանը ունի ազատ տնտեսական հարաբերություններ, մրցակցային շուկա, բայց և այնպես դեղերի գները ոչ միայն չեն նվազում, այլև աճում են:
«Դրա մասին է վկայում տասնամյակների մեր փորձը: Առնվազն վերջին երեք տարում ունենք ազատ մրցակցային հարաբերություններ, ներկրողների միջև պայմանավորվածություններ չեն լինում, դեղերի դեմպինգ չի արվում (ապրանքների ինքնարժեքից ցածր գնով վաճառելը արտասահմանյան շուկաներում՝ մրցակիցներին դուրս մղելու նպատակով- խմբ.), բայց և այնպես դեղերի գները չեն նվազում: Կարծում եմ, այստեղ կարևոր է, որ դեղը չդիտարկենք որպես սովորական ապրանք, քանի որ այստեղ գործ ունենք քաղաքացու առողջության և ընդհանրապես հանրության առողջության հետ: Կարծում եմ, որ պետք է պետությունը իրականացնի դեղերի գների վերահսկողություն, ինչպես շատ եվրոպական երկրներում է արվում, որպեսզի կարողանանք որոշակիորեն զսպել դեղերի գները կամ ապահովենք դեղերի գների նվազում»,- ընդգծեց Զեյնալյանը:
«Քաղաքացիական պայմանագիր» խմբակցության պատգամավորի խոսքով` էլեկտրոնային առողջապահության ներդրմամբ, երբ բժիշկը կարողանա միայն դեղ դուրս գրել այն դեղերի ցանկից, որը գրանցված է Հայաստանի Հանրապետությունում, ևս կարելի է զսպել անօրինական դեղերի ներկրումը և վաճառքը Հայաստանի Հանրապետությունում:
«Շատ մասնագետներ ասում են, թե ինչու առողջապահության նախարարությունը չի գրանցում բոլոր անհրաժեշտ դեղերը, որի կարիքը լինում է Հայաստանի Հանրապետությունը: Նշեմ, որ առողջապահության նախարարությունը չի կարող ինքը իր որոշմամբ որևիցե դեղ գրանցել: Դեղի գրանցումը նախ պետք է թույլ տա դեղ արտադրողը և դեղի հետ կապված իր ամբողջ փաստաթղթերը ուղարկի Առողջապահության նախարարություն և սկսի գրանցման գործընթացը: Այդ պատճառով, մեծ թվով դեղորայք գրանցված չէ Հայաստանի Հանրապետությունում, և այստեղ ունենում ենք որոշակի խնդիրներ: Բայց այս հարցը լուծված է: Կառավարության համապատասխան որոշմամբ թույլ է տրվում չգրանցված դեղորայքի միանվագ ներկրում քաղաքացու կողմից: Այս միջոցով որոշակի նաև հասանելիությունն ենք կարողանում ապահովել»,- եզրափակեց Զեյնալյանը:
armenpress.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться