ՀՀ կառավարությունն այսօրվա նիստում հավանություն է տվել «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» օրենքում լրացումներ կատարելու մասին» օրենքի նախագծին։ Նախագծով առաջարկվում է Սևանից ջրառի նպատակով բաց թողնվող ջրի ծավալն ավելացնել՝ 2021 թ․ 170 մլն խմ չափաքանակը դարձնելով մինչև 245 մլն խմ։
Հարցը զեկուցող ՀՀ տարածքային կառավարման և ենթակառուցվածքների նախարար Գնել Սանոսյանը նշել է, որ որոշումը պայմանավորված է Սևան-Հրազդան համակարգից սնվող ոռոգման համակարգերի իշխման տակ ընկած հողերի ոռոգման ջրապահովության դեֆիցիտը մասնակի մեղմելու, ջրապահովվածությունը բարձրացնելու անհրաժեշտությամբ:
2021 թվականի օգոստոսի 1-ի դրությամբ հանրապետության համամետաբար խոշոր ջրամբարներում լցվածությունը եղել է 226 մլն խմ, որը 2020 թվականի 351 մլն-ի համեմատ պակաս է 125․77 մլն-ով։ «Շոգ եղանակով ու տեղումների սակավությամբ պայմանավորված՝ Մարմարիկ, Հրազդան, Քասախ և Ազատ գետերում կտրուկ նվազել է ջրի հոսքը։ Եվ ջրապահանջը լրացնելու նպատակով, ինչպես ջրամբարներից, այնպես էլ Սևանա լճից իրականացվել է պլանավորվածից շուտ ջրի բացթողումներ»,- ասել է նախարարը։ Սևանա լճից 2021 թվականին նախորդ տարվա համեմատ ոռոգման նպատակով ջրի բացթողումներն սկսվել են 10 օր շուտ, այդ ընթացքում արդեն իրականացվել է 19 մլն խմ ջրառ։
«Նկատի ունենալով վերանշյալը՝ Սևան-Հրազդան համակարգը սնող Ապարանի, Ազատի և Մասրիկի ջրամբարներից չնախատեսված ջրահամալրում իրականացնելու պատճառով օգոստոսի 1-ի դրությամբ նախորդ տարվա նույն ժամանակահատվածի համեմատ այս ջրամբարներում առաջացել է 21․43 մլն խմ ջրի դեֆիցիտ»,- նշել է Գնել Սանոսյանը, հավելելով, որ փաստացի իրավիճակը և գետերի բազմամյա ջրագրության տվյալները վկայում են, որ այս տարի Սևանից ջրառի նպատակով հնարավոր կլինի վերցնել 116 մլն խմ ջուր՝ նախատեսված 170 մլն-ի փոխարեն, ինչը նույնպես 54 մլն խմ դեֆիցիտ է առաջացնում։
Կառավարությունը հավանություն է տվել օրենսդրական նախաձեռնությանը, որը սահմանված կարգով կներկայացվի ՀՀ Ազգային ժողով:
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться