• Armenianeconomy.com

Զբոսաշրջության ոլորտում անցկացվելու են կադրերի նախապատրաստական դասընթացներ

Հայաստանի ամերիկյան համալսարանը մեկամյա կրթական ծրագիր է նախաձեռնել հյուրանոցային բիզնեսի կառավարման բնագավառում՝ ՀՀ-ում զբոսաշրջության ոլորտը վերականգնելու և ավելի զարգացնելու համար:

«Արմենպրես»-ի հաղորդմամբ՝ այս մասին լրագրողների հետ զրույցում ասաց Հյուրանոցների և հյուրընկալության կառավարման վկայագիր շնորհող ծրագրի ղեկավար Զարմինե Զեյթունցյանը:
 
«Ծրագիրը լավ հնարավորություններ է ընձեռում հատկապես հյուրանոցային ոլորտում աշխատող անձանց համար: Անհրաժեշտ է օգտագործել այս ժամանակը, երբ զբոսաշրջային առումով պասիվ է, որպեսզի ոլորտի մասնագետները կատարելագործեն իրենց հմտությունները:  Այս ծրագրին կարող են մասնակցել նաև նրանք, ովքեր հետաքրքրված են զբոսաշրջության և հյուրընկալության ոլորտում մասնագիտական կարիերայի աճով: Ծրագիրը տևելու է 1 տարի՝ 2 կիսամյակ»,- նշեց Զեյթունցյանը:

Ծրագիրն իր մեջ ներառում է նախապատրաստական փուլ, որտեղ կընդգրկվեն այն ուսանողները, որոնք այսօր աշխատում են հյուրընկալության ոլորտում, բայց չեն ունեցել ակադեմիական կրթություն: Զեյթունցյանը շեշտեց, որ տվյալ ոլորտում ակադեմիական կրթություն չունեցողները սովորելու են հաշվապահություն, կառավարում, անգլերեն, հաղորդակցություն, մաթեմատիկա:

«Այս ամենից հետո նրանք կսկսեն ուսումնասիրել գործառնական կառավարման ծրագիրը, հյուրընկալության գնագոյացում և վաճառքներ, հյուրընկալության մարքեթինգ, կորպորատիվ հաղորդակցություն և ռազմավարական, ֆինանսական պլանավորում: Մեկ տարում ուսանողները հյուրանոցային ոլորտի հետ կապված կստանան լուրջ հմտություններ և գիտելիքներ: Դասավանդելու են Ամերիկյան համալսարանի լավագույն դասախոսները, ինչպես նաև արտասահմանից ներգրավված կադրեր»,- ասաց ծրագրի ղեկավարը:

Զեյթունցյանի խոսքով՝ այն մշակվել է համագործակցելով ՀՀ-ի հյուրանոցային տնտեսության օբյեկտների հետ, որոնց հետ հանդիպումներ են տեղի ունեցել:

Հյուրանոցային բիզնեսի գործող աշխատակիցների համար ուսման վարձավճարների մինչև 90 տոկոսի չափով սուբսիդավորում է նախատեսված: Զեյթունցյանը շեշտեց, որ ավարտական աշխատանքներն իրականացվելու են Հայաստանի մարզերից մեկում: Մասնակիցները ռազմավարական ծրագիր են գրելու՝ մի քանի հյուրանոցի համար, իսկ դասընթացների ավարտից հետո ստանալու են մագիստրատուրայի շրջանավարտի որակավորում:

Զարմինե Զեյթունցյանը նաև ընդգծեց, որ Ամերիկյան համալսարանը համագործակցում է նաև ՀՀ ԳԱԱ Հնագիտության և ազգագրության ինստիտուտի հետ` Հայաստանում 100 քիչ հայտնի հնագիտական հուշարձանների մասսայականացման ուղղությամբ, որոնք ապագայում կարող են զբոսաշրջային պրոդուկտ դառնալ:

armenpress.am


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Ծառայություններ
• Վահան Քերոբյանն այս տարի զբոսաշրջության ոլորտում կանխատեսում է 319 տոկոս աճ• Սուրեն Պապիկյանը ծանոթացել է ջրանցքների վերանորոգման աշխատանքներին․ մի քանիսը շուտով կշահագործվեն• Կայացել են հանրային քննարկումներ` Հյուսիս-հարավի Տրանշ-4-ի Քաջարան-Ագարակ հատվածի վերակառուցման ծրագրի վերաբերյալ• Հայաստանը ներկայացրել է իր զբոսաշրջային ներուժը ՌԴ ամենախոշոր զբոսաշրջային ցուցահանդեսում• Ատոմակայանը 141 օրով կկանգնի մայիսից. վերանորոգումից հետո ՀԱԷԿ-ն ակնկալում է ստանալ 10 տարվա լիցենզիա• Սուրեն Պապիկյանը կարևորել է «Հյուսիս-հարավ»-ի շրջանակներում հայ-չինական համագործակցության ընդլայնումը• Զբոսաշրջային կոմիտեն պատրաստվում է տուրիստական սեզոնին.թիրախային երկրներից է Ռուսաստանը• Հայաստանի ճանապարհների մի շարք վտանգավոր կետերում կատարվում են անվտանգության բարելավման աշխատանքներ• Զբոսաշրջության կոմիտեի ներկայացուցիչները կմասնակցեն «MITT Moscow 2021» զբոսաշրջային ցուցահանդեսին

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն