Երկիր՝ Հայաստանի Հանրապետություն
Ծրագիր՝ Համայնքների Գյուղատնտեսական ռեսուրսների կառավարման և մրցունակության երկրորդ (ՀԳՌԿՄ 2-րդ) ծրագիր
Ծրագրի համարը՝ P133705
Վարկի/Փոխառության համարը՝ Վարկ No.8374-AM
Նշանակման անվանումը՝ Ծրագրի մատակարարման գծով պատասխանատուի ծառայություններ
Հղման համարը՝ SOE-15-20 /ըստ Գնումների պլանի/
Հայաստանի Հանրապետության կառավարությունը Համաշխարհային բանկի կողմից ստացել է վարկ «Համայնքների Գյուղատնտեսական ռեսուրսների կառավարման և մրցունակության» երկրորդ ծրագիրի (ՀԳՌԿՄ 2) իրացման նպատակով և նախատեսվում է այդ գումարների մի մասով իրականացնել Ծրագրի մատակարարման գծով պատասխանատուի ծառայությունները:
Ծառայությունների նպատակն է` խթանել Ծրագրի իրականացմանը և աջակցել Ծրագրի ղեկավարին՝ ապահովելու գործունեության անխափան աշխատանքը։
Ծրագրի մատակարարման գծով պատասխանատուի աշխատանքային պարտականությունները ներառում են հետևյալ գործառույթները․
- Կազմակերպել Ծրագրի նյութատեխնիկական մասի ապահովումը և կառավարումը։
- Կազմակերպել և համակարգել Ծրագրին անհրաժեշտ ապրանքների ձեռքբերումը։
- Ապահովել անձնակազմի կառավարման գործառույթների կատարումը, զարգացումը և ներքին աշխատանքային կանոնակարգերի պահպանումը։
- Կազմակերպել և տեխնիկական աջակցություն ցուցաբերել հանդիպումների, քննարկումների, այցելությունների և գործողումների նախապատրաստական աշխատանքներին։
- Բարեխղճորեն և նպատակային օգտագործել տրամադրված գույքը, սեփական մեղքով պատճառված վնասի դեպքում, օրենքով սահմանված կարգով փոխհատուցել նյութական վնասը։
- Վերահսկել և ապահովել Ծրագրի համակարգիչների անխափան աշխատանքը։
- Ապահովել հեռախոսների, ֆաքսի և այլ սարքավորումների անխափան աշխատանքը և Ծրագրի անձնակազմին տրամադրել աշխատանքի համար անհրաժեշտ ապրանքներ։
- Կազմակերպել Ծրագրի տրանսպորտային միջոցների պաշտոնական գրանցման և պահպանման / վերանորոգման աշխատանքները։
- Համակարգել և վերահսկել Ծրագրի տրանսպորտային միջոցների օգտագործման աշխատանքը։
- Բաշխել և գրանցել Ծրագրի տրանսպորտային միջոցների համար նախատեսված վառելիքը։
- Վերահսկել տրանսպորտային միջոցների համար նախատեսված վառելիքը և դրանց սպառումը։
- Կազմակերպչական հարցերում աջակցել միջազգային և տեղական մասնագետներին;
- Մեքենաներին, վազքին և բենզինի ծախսին վերաբերող ամբողջական տեղեկատվությունը ներբեռնել MIS համակարգ։
- Կատարել հաստիքի շրջանակներում Ծրագրի ղեկավարի կողմից գրավոր և բանավոր հանձարարված բոլոր առաջադրանքները:
ՀՀ էկոնոմիկայի նախարարության Գյուղատնտեսության ծրագրերի իրականացման վարչությունը (ԳԾԻՎ) սույնով հրավիրում է իրավասու անձանց ներկայացնելու իրենց հետաքրքրվածության հայտերը ծառայության մատուցման համար: Հետաքրքրված անձիք պետք է ներկայացնեն ինքնակենսագրական սեղմագրեր (CVs), որոնք ներառում են տեղեկատվություն ծառայությունների իրականացման համար պահանջվող որակավորման և համապատասխան փորձի վերաբերյալ:
Կարճ ցուցակում ընդգրկվելու չափանիշներն են.
- Բարձրագույն կրթություն տնտեսագիտության, ՏՏ կամ հարակից ոլորտներում
- Առնվազն 2 տարվա աշխատանքային փորձ որպես մատակարարման գծով մասնագետ կամ համակարգի ադմինիստրատոր/գրասենյակի ղեկավար
- Հաղորդակցման գերազանց հմտություններ
- Խնդիրների արագ լուծման և գրասենյակի ղեկավարման հմտություններ
- Համակարգչային ծրագրերի, մասնավորապես MS Office-ի գերազանց իմացություն
Հետաքրքրված խորհրդատուների ուշադրությունը հրավիրվում է Համաշխարհային Բանկի ուղեցույցների 1.9 կետին. ՎԶՄԲ վարկի և ՄԶԸ փոխառությունների և դրամաշնորհների շրջանակներում խորհրդատուների ընտրություն և վարձում Համաշխարհային Բանկի Վարկառուների կողմից, հունվար 2011 («Խորհրդատուների ընտրության ուղեցույց»), որտեղ մասնավորապես նշվում է Համաշխարհային Բանկի քաղաքականությունը շահերի բախման վերաբերյալ:
Ընտրությունը կիրականացվի Խորհրդատուների ընտրության ուղեցույցով սահմանված Խորհրդատուների Որակավորման վրա հիմնված ընտրության ընթացակարգով:
Հետաքրքրվածության հայտերը պետք է ներկայացվեն էլեկտրոնային եղանակով մինչև 2020թ. դեկտեմբերի 1-ը, ժամը 17:00-ը հետևյալ Էլփոստով՝ atovmasyan@agridf.am։
Լրացուցիչ տեղեկությունների համար կարող եք զանգահարել հետևյալ հեռախոսահամարով՝ 011-597-287, ժամը 10:00-ից մինչև 17:00:
mineconomy.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться