• Armenianeconomy.com

Շարունակվում են ՀՀ զբոսաշրջային ենթակառուցվածքների բարելավման աշխատանքները. հայտնում է էկոնոմիկայի նախարարությունը

2019 թվականի ընթացքում բարեկարգվել են Գյումրի քաղաքի` «Կումայրի պատմական թաղամասի» 6 փողոցները, Գառնի համայնքի` դեպի «Քարերի սիմֆոնիա» բնական հուշարձան տանող 2147 մետր երկարությամբ ճանապարհը եւ հարակից ենթակառուցվածքները, Տաթեւ համայնքի՝ դեպի Տաթեւ վանական համալիր տանող 6000 մետր երկարությամբ ճանապարհը եւ Գյուլագարակ համայնքի՝ դեպի Դենդրոպարկ տանող 2800 մետր երկարությամբ ճանապարհը: Այս մասին հայտնում է ՀՀ էկոնոմիկայի նախարարության Զբոսաշրջության կոմիտեն:

Նաեւ նշվում է, որ մեկնարկել են Վարարակն գետի աջափնյա հատվածի վերականգնման, ինչպես նաեւ Գորիս քաղաքի կենտրոնական մասի պատմամշակույթային միջավայրի վերականգնման ենթածրագրերը: Գնումների գործընթացում է գտնվում Գորիս քաղաքի կենտրոնական մասի պատմական բնակելի տների վերանորոգման ենթածրագիրը։ Վերը նշված ենթածրագրերի շրջանակներում իրականացվելու են հետեւյալ աշխատանքները․

 
 
Վարարակն գետի աջ հատված՝ Գետափնյա փողոց, Դավիդ Բեկ- Գետափնյա խաչմերուկից մինչեւ Գարեգին Նժդեհ-Գետափնյա խաչմերուկ, Վարարակն գետի ձախ հատված՝ Գարեգին Նժդեհ- Գետափնյա խաչմերուկից մինչեւ Մակիչի փողոցի հետ հատվող հետիոտային կամուրջ, արտաքին լուսավորություն, հետիոտն եւ հեծանվային երթուղու ձեւավորում հին եւ նոր Գորիս քաղաքի հատվածների միջեւ, նաեւ գետի մաքրում   եւ հենապատերի վերականգնում:
Գորիս քաղաքի կենտրոնական մասի պատմամշակույթային միջավայրի վերականգնում` Գուսան Աշոտ, Կոմիտաս, Մակիչի, Օրբելյանների, Մաշտոցի, Անկախության, Տաթեւացու փողոցներում՝ ներառելով մայթերի եւ երթեւեկելի հատվածների բարեկարգման, ջրամատակարարման աշխատանքները:
Նշված փողոցներում արտաքին լուսավորության համակարգերի բարելավում, Գորիս քաղաքի հին եւ նոր հատվածների միջեւ հետիոտնային եւ հեծանվային երթուղու ձեւավորում։
Գորիս քաղաքի կենտրոնական մասի 1918-1920 թթ. կառուցված թվով 38 պատմական շենքերի եւ բնակելի տների տանիքների, պատշգամբների եւ ճակատների վերականգնում եւ վերանորոգում:
Ընթացիկ ուսումնասիրության փուլում են Հին քարանձավային քաղաքի զբոսաշրջային ենթակառուցվածքների բարելավման եւ արդիականացման աշխատանքները:
Ներկայումս ընթացքի մեջ են նաեւ Խոր վիրապ վանքի հարակից տարածքի բարեկարգման աշխատանքները, որոնք ներառում են դեպի վանք տանող ճեմուղու ստեղծում․ ավտոկայանատեղու եւ անհրաժեշտ հանրային ենթակառուցվածքնրի ստեղծում, լուսավորություն։ Ընթացիկ փորձաքննության փուլում են․

Գյումրի քաղաքի Կումայրի պատմական թաղամասի եւս 7 փողոցի, դեպի Մարմաշեն տանող ճանապարհի եւ վանքի հարակից հանրային ենթակառուցվածքների եւ բարեկամության այգու տարածքի բարեկարգման ենթածրագրեը։
Ջերմուկ քաղաքի զբոսաշրջային ենթակառուցվածքների բարելավում․Ջրվեժ տանող ճանապարհի, ճեմուղու եւ հարակից ենթակառուցվածքների բարեկարգում
Շահումյան եւ Մաշտոց փողոցների բարեկարգում
Ըմպելասրահի ճեմուղիների բարեկարգում, տեղեկատվական կենտրոնի եւ առեւտրի գոտու ստեղծում
Դեպի եղնիկի արձան տանող ճանապարհի հիմնանոնորգում եւ դիտահրապարակի կառուցում
Գնդեվանքի քայլարշավային արահետի բարեկարգում/դյուրացում, հանգստի գոտու ստեղծում
2020 թվականի ընթացքում նախագծման եւ իրականացման մեկնարկի են պատրաստվում ինչպես ընթացիկ փորձաքննության փուլում գտնվող, այնպես էլ ներքոհիշյալ ենթածրագրերը․

Քարերի Սիմֆոնիա բնական հուշարձանի ավտոկայանատեղու եւ անհրաժեշտ ենթակառուցվածքների ստեղծում
Դվինի հուշարձանների վերականգնում եւ ամրակայում
Զորաց Քարեր հուշարձանի հարակից տարածքի բարեկարգում
Դեպի հին Խնձորեսկ քարանձավային քաղաք տանող ճանապարհի բարեկարգում
Գառնի-Լանջազատ ճանապարհի վերանորոգում
2019 թվականի մայիսից բանակցություններ են ընթանում Համաշխարհային Բանկի եւ Հայաստանի կառավարության միջեւ վերակազմավորման աշխարհագրական ծածկույթը եւ ժամկետներն ընդլայնելու, ինչպես նաեւ նոր բովանդակություն ձեւավորելու նպատակով։

Ծրագիրն իրականացվում է Համաշխարհային բանկի եւ պետության համաֆինանսավորմամբ՝ ենթակառուցվածքների զարգացման» ծրագրի շրջանակում։ Ծրագրի բովանդակության պատասխանատուն նախարարության իրականացնողը՝ ՀՀ ենթակառուցվածքների նախարարության Տարածքային զարգացման հիմնադրամը։

armtimes.com


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Ծառայություններ
• Հայկական ԱԷԿ-ը կանգնեց պլանային կանխարգելիչ վերանորոգման• Մ-3 Մարգարա-Վանաձոր-Տաշիր-Վրասատանի սահման միջպետական ճանապարհի վրա մեկնարկել են միջին նորոգման աշխատանքները• Մեկնարկում է Օղակաձև զբոսայգու 6-րդ հատվածի հիմնանորոգման ծրագիրը. կբարեկարգվի շուրջ 16000 քմ տարածք• 2020 թվականին նախատեսվում է կրկնապատկել Գյումրիի ճանապարհների արդիականացման աշխատանքների ծավալը. նախարար• Հայաստանի իշխանությունները կրկին Երեւանի մետրոպոլիտենի նոր կայարանի «տեսլական» ունեն• «ԵՄ-ն՝ բիզնեսի համար» նախաձեռնությունն աջակցում է Հայաստանում զբոսաշրջության ոլորտի զարգացմանը՝ «Covid-19-ի պայմաններում նորարարական տուրիզմին ուղղված նպատակային դրամաշնորհների մրցույթի» մ• 69 մլն դոլար՝ զբոսաշրջային կենտրոններ տանող ճանապարհների նորոգման համար. ՀՀ Կառավարություն• Կմեկնարկի Արցախը մայր հայրենիքին կապող նոր մայրուղու շինարարությունը• Հանրապետության տարբեր մարզերում ընթանում են ինտենսիվ ճանապարհաշինական աշխատանքներ

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն