Հայաստանում հիմնված Ազատ առևտրի իրանական կենտրոնը բաժնետոմսեր է վաճառքի հանել Իրանում: Ինչպես հայտնել է հայ-իրանական համատեղ առևտրի պալատի հայկական կողմի նախագահ Լևոն Ահարոնյանը, յուրաքանչյուր բաժնետոմսի արժեքը կկազմի 50 000 ռիալ' մոտ 5 դոլար: Ընդհանուր առմամբ վաճառքի կհանվի 5 մլն բաժնետոմս, մեկ ներդրողի համար առավելագույն քանակը չի գերազանցի 2000 բաժնետոմսը:
Նախօրեին տեղի է ունեցել հայ-իրանական համատեղ առևտրի պալատի նիստը, հայտնում է İSNA գործակալությունը: «Բանկային արտոնություններից բացի, Հայաստանը նաև առևտրային արտոնություններ է տրամադրում պարսիկ ներդրողներին ու առևտրականներին: Մեծ քանակությամբ բաժնետոմսեր ձեռք բերած իրանցիներին կտրվի Հայաստանում երկարաժամկետ բնակության իրավունք»,-ասել է Ահարոնյանը:
Լևոն Ահարոնյանն ասել է նաև, որ բաժնետոմսերն Իրանում վաճառվելու են ռիալով, իսկ հասույթը կվերածվի դոլարի ու կներդրվի, ինչը շահավետ է իրանցիների համար տնտեսական տեսակետից: «Իրանցիները կարող են ներդրումներ կատարել Հայաստանում սննդամթերքի, շինանյութի, լվացող նյութերի, հագուստի, կոշիկի, պայուսակների արտադրության և այլ ոլորտներում»,-ասել է նա:
Աղբյուրը՝ www.panarmenian.net
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться