Հայաստանի մակրոտնտեսական ցուցանիշները լավն են՝ թե տնտեսական աճի, թե տուրիզմի, թե առանձին ոլորտների ցուցանիշներով մենք առաջատար ենք տարածաշրջանում եւ ԱՊՀ-ում: Այս մասին այսօր՝ դեկտեմբերի 23-ին, լրագրողների հետ հանդիպման ժամանակ նշեց ԱԺ տնտեսական հարցերի հանձնաժողովի նախագահ Բաբկեն Թունյանը:
«Ինչ խոսք, միայն աճի ցուցանիշը՝ կլինի 5, 7, թե 10, բավարար չէ ասելու համար, որ ամեն ինչ լավ է: Շատ ավելի կարեւոր է այդ աճի որակը, թե որ ճյուղերի հաշվին է դա գրանցվել, որքանով է ներառական եւ այլն: Մեզ համար կարեւոր է ոչ միայն աճը, այլեւ զարգացումը: Եթե մենք փորձում ենք երկիրը առաջ տանել, ուրեմն պետք է շեշտը դնենք զարգացման վրա»,-ասաց Թունյանը:
Նա ընդգծեց, որ արդեն իսկ որոշակի քայլեր են արվել, որոնք հասարակությունը կզգա 2020 թվականի սկզբից. Խոսքը նվազագույն աշխատավձի, կենսաթոշակների բարձացման մասին է. «Կան նաեւ հարկային օրենսգրքի փոփոխություններ, որով նախատեսվում է եկամտային հարկի, շահութահարկի դրույքաչափերի նվազեցում, նախատեսում է ներդնել միկրոբիզնեսի շեմ: Կան նաեւ երկարատեւ էֆեկտներին ուղղված քայլեր, օրինակ մրցակցության պայմանների բարելավման ուղղությամբ, որոնց արդյունքներն անմիջապես չեն զգացվի»,-ասաց Թունյանը:
«Խնդիրներ իհարկե, կան եւ դրանցից ես կառանձնացնեի արագությունը: Փոփոխությունները պետք է ավելի արագ իրագործենք, որովհետեւ ակնկալիքները մեծ են եւ աշխարհն էլ շատ արագ զարգանում է, բայց այս պահին մտահոգիչ ոչ մի բան չկա, իսկ հաջորդ տարի ավելի են զգացվելու փոփոխությունների արդյունքները»,-ընդգծեց Թունյանը:
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться