• Armenianeconomy.com

ՀՀ քաղաքաշինության նախարարն ափոփեց 2012 թվականի արդյունքները

ՀՀ քաղաքաշինության նախարար Սամվել ԹադեւոսյանՀՀ քաղաքաշինության նախարար Սամվել Թադևոսյանը, դեկտեմբերի 28-ին կայացած իր ամփոփիչ տարեվերջյան ասուլիսում ներկայացրեց ոլորտի ձեռբերումներն ու անելիքները:
Պարոն Թադևոսյանը նշեց, որ դեռևս 2008 թվականին սկիզբ առած աղետի գոտում անօթևան մնացած ընտանիքներին պետական աջակցությամբ իրականացվող բնակապահովման ծրագիրի երկրորդ փուլը իրականացվեց 2012 թվականին: Հոկտեմբերին Գյումրիում շահագործման հանձնվեցին 1756 բնակարանով 38 բազմաբնակարան շենքով' “Մուշ 2-2” եւ “Անի” թաղամասերը: Ծրագիրի շնորհիվ ներկայումս բնակարանային պայմանները բարելավել են ավելի քան 3700 ընտանիք, մինչև ծրագրի ավարտ այդ ընտանիքների թիվը կավելանա շուրջ 1700-ով: Բնակապահովման այդ լայնամասշտաբ ծրագրի արժեքը շուրջ 85 մլդ. դրամ է:
Այս տարվա ծրագրերից, նախարար Սամվել Թադևոսյանն առանձնացնեց նաև հանրապետության շենք-շինությունների տեխնիկական տվյալների բազայի ստեղծման ծրագիրը:

Նա նշեց, որ արդեն այս ուղղությամբ կոնկրետ քայլեր են արվել մասնավորապես' քաղաքաշինության նախարարի հրամանով, ստեղծվել է աշխատանքային խումբ, որում ընդգրկվել են քաղաքաշինության, տարածքային կառավարման, արտակարգ իրավիճակների նախարարությունների, կառավարությանն առընթեր անշարժ գույքի կադաստրի պետական կոմիտեի, ազգային վիճակագրական ծառայության, Երևանի քաղաքապետարանի և մարզպետարանների ներկայացուցիչները: Հավաքագրվել է 1500 շենք–շինությունների տեխնիկական տվյալները: Նախատեսվում է եկող տարի առաջնահերթությունը տալով կրթական, մարզական և մշակութային հաստատություններին' ավելացնել ևս 2000 շենքերի տվյալներ: Շենքերի տեխնիկական տվյալների բազայի ստեղծումը նպաստելու է Հայաստանի բազմաբնակարան շենքերի կառավարման, պահպանման և շահագործման բարելավման ծրագրի արդյունավետ իրականացմանը, ինչպես նաև կրթական, մշակութային և մարզական օբյեկտների հիմնանորոգման առաջնահերթությունները ճշգրտմանը:

Անցնող տարվա ընթացքում 7,7 մլրդ. դրամ գումարով հիմնանորոգման և շինարարական աշխատանքներ են իրականացվել շուրջ 110 կրթական, մշակութային և մարզական օբյեկտներում, որոնցից 33 օբյեկտների աշխատանքներն արդեն ավարտվել են:

2013թ նախատեսվում է շինաշխատանքներ իրականացնել մոտ 90 կրթական օբյեկտներում: Վերանայվել են բյուջեի ձևավորման սկզբունքները: Ներկայումս հետազոտություններ են իրականացվում 2013թ բյուջեում ընդգրկված 2-րդ և 3-րդ աստիճանի վնասվածություն ունեցող օբյեկտները վերհանելու ուղղությամբ՝ շենքերի սեյսմիկ խոցելիության աստիճանը գնահատելու համար: “Խնդիրը կարևորվում է մասնավորապես' 50-60-ական թվականներին կառուցված դպրոցների դեպքում: Ըստ անհրաժեշտության իրականացվելու են ուժեղացման, ամրացման կամ վերակառուցման աշխատանքներ, բարձրացնելով այդ կառույցների սեյսմազինվածության մակարդակը: Սա հնարավորություն կտա խուսափել պետական միջոցների փոշիացումից”,-ընդգծեց պարոն Թադևոսյանը:

Առաջնահերթության կարգով 2013թ պատբյուջեով միջոցներ են նախատեսվել նախորդ տարիներին սկսված օբյեկտներում շարունակական բնույթ կրող աշխատանքներն, ինչպես նաև մինչև 50,0 մլն. դրամ մնացորդային արժեք ունեցող օբյեկտներն ավարտին հասցնելու համար: Ի դեպ, շինարարության բնագավառում աճը 2011թ-ի նկատմամբ 2012թվականին կազմել է 4,6 տոկոս:

Եկող տարվա մեր գերակա խնդիրներից նախարարը հատկապես կարևորեց քաղաքաշինական նորմատիվատեխնիկական փաստաթղթերի համակարգի ստեղծման անհրաժեշտությունը: “Անշուշտ, ներկայումս զգալի աշխատանքներ տարվել են քաղաքաշինական օրենսդրական դաշտի ձևավորման ուղղությամբ, սակայն մինչ օրս հիմնականում գործում են խորհրդային ժամանակաշրջանի նորմատիվները: Ուստի, հրատապ է քաղաքաշինական նորմատիվատեխնիկական փաստաթղթերի համակարգի արմատական բարեփոխումը”,-նշեց պարոն Թադևոսյանը: Նախարարության հրավերով նոյեմբերին Հայաստանում էին Եվրոմիության փորձագետները, որոնք “Թայեքս գործիքի ներքո” սեմինարին ներկայացրեցին Եվրոպական երկրների փորձը: “Նորմատիվատեխնիկական փաստաթղթերի նոր համակարգի ստեղծումը կարևորվում է նաև այն հանգամանքով, որ միայն վերահսկեողության շնորհիվ, հնարավոր չէ արմատախիլ անել արատավոր երևույթները: Իհարկե, այս տարի մեզ հաջողվեց բաց, թափանցիկ մրցույթների կազմակերպման, տեսչական ստուգումների խստացման միջոցով տնտեսել շուրջ 600 միլիոն դրամ, բայց նորից եմ կրկնում համակարգային փոփոխությունների համար անհրաժեշտ է մշակել քաղաքաշինական նորմատիվատեխնիկական փաստաթղթերի համակարգ”-շեշտեց նախարարը:

Քաղաքաշինական պետական տեսչությունը 2012 թվականին իրականացրել է 1128 ստուգում և ուսումնասիրություն, որի արդյունքում իրավաբանական և ֆիզիկական անձանց նկատմամբ նշանակել է 52մլն 53 դրամի տուգանք, որն ամբողջությամբ մուտքագրվել է պետբյուջե:

Ներկայումս քաղաքաշինության բնագավառում գործող կազմակերպություններին տրված է շինարարության իրականացման 1521 լիցենզիա և շինարարության որակի տեխնիկական հսկողության' 206 լիցենզիա: 2012 թ. կասեցվել է մոտ 550 կազմակերպության լիցենզիա, որից շինարարության որակի տեխնիկական հսկողություն իրականացնող 199 կազմակերպությունների հաշվետվությունների ուսումնասիրման արդյունքում թվով 90-ի լիցենզիաները կասեցվել են:

Նախարարության կարևոր խնդիրներից է նաև Երևան քաղաքի “Փոքր կենտրոնի” կառուցապատման օրենսդրական կարգավորումը: Խնդրի համալիր ուսումնասիրման, օրենսդրական առաջարկությունների մշակման նպատակով ստեղծվել է աշխատանքային խումբ: Արդեն մշակված է հայեցակարգի նախագիծը, որով նախատեսվում է “Փոքր կենտրոնին” տալ քաղաքաշինական գործունեության հատուկ կարգավորման կարգավիճակ:

Համաձայն' Հայաստանում գործարար միջավայրի բարելավման ամենամյա զեկույցի (ՀԲ-ի DOING-BUSINESS) “կառուցապատման թույլտվություններ” բաղադրիչով 2011թ համեմատությամբ արձանագրվել է զգալի բարելավում: Կառավարության հավանությանն են արժանացել բարեփոխումների շրջանակներում կատարված մի շարք որոշումներ, մասնավորապես' համայնքներում շինարարական թույլտվությունների էլեկտրոնային համակարգի ներդրման հայեցակարգը:

Աղբյուրը՝ www.mud.am


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Օրենսդրություն
• «Հայաստանի Հանրապետության կառավարության 2012 թվականի դեկտեմբերի 27-ի թիվ 1665-ն որոշման մեջ փոփոխություն կատարելու մասին» Հայաստանի Հանրապետության կառավարության որոշման նախագիծ• «Հայաստանի Հանրապետության կառավարության մի շարք որոշումներում փոփոխություններ կատարելու մասին» ՀՀ կառավարության որոշման նախագիծ• ՊԵԿ-Ը ՀԱՅՏՆԱԲԵՐԵԼ Է ՄԱՔՍԱՅԻՆ ՀՍԿՈՂՈՒԹՅՈՒՆԻՑ ԹԱՔՑՎԱԾ ՀԱԳՈՒՍՏ ԵՎ ԲՋՋԱՅԻՆ ՀԵՌԱԽՈՍՆԵՐ• Կսուբսիդավորվեն թիրախավորված համայնքներում տեղակայելու նպատակով ձեռք բերվող շարժական և/կամ շարժական մոդուլային սպանդանոցները• Աշխատանքի և սոցիալական հարցերի փոխնախարար է նշանակվել Աննա Ժամակոչյանը• «Սնանկության մասին» օրենքում փոփոխություններ և լրացումներ կատարելու մասին» օրենքի նախագիծ• Կառավարությունը հաստատել է աշնանացան ցորենի արտադրության խթանման պետական աջակցության ծրագիրը• Կառավարության նիստի օրակարգում ընդգրկված է 46 հարց է, որից չի զեկուցվում 38-ը, 4 հարց գաղտնի է• ՊԵԿ-Ն ԱՎԵԼԻ ՔԱՆ 57ՄԼՆ ԴՐԱՄ ԱՐԴԵՆ ՎԵՐԱԴԱՐՁՐԵԼ Է ՏՆՏԵՍՎԱՐՈՂՆԵՐԻՆ. ՍԿՍՎԵԼ Է ՄԱՔՍԱՏՈՒՐՔԻ ԴՐՈՒՅՔԱՉԱՓԵՐԻ ՏԱՐԲԵՐՈՒԹՅԱՆ ՎԵՐԱՀԱՇՎԱՐԿՄԱՆ ԳՈՐԾԸՆԹԱՑ

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն