Անշարժ գույքի գործարքների թիվը 2012 թվականի հոկտեմբերին կազմել է 17 413, ինչը 34,4տոկոսով ավելի է, քան սեպտեմբերին և գերազանցում է նախորդ տարվա նույն ժամանակահատվածի ցուցանիշը 9,3 տոկոսով, ասվում է Հայաստանի անշարժ գույքի կադաստրի պետական կոմիտեի հաշետվությունում։
Հաշվետու ժամանակահատվածում անշարժ գույքի հետ իրականացրած գործարքների առավելագույն թիվը գրանցվել է Երևանում' գործարքների ընդհանուր թվի 37,8 տոկոսը, իսկ նվազագույնը' Վայոց Ձորի մարզում' 1,7 տոկոս։
Միաժամանակ, հանրապետության Կոտայքի մարզում հաշվետու ժամանակահատվածում գրանցվել է գործարքների ընդհանուր թվի 11,5 տոկոսը, Լոռու մարզում' 5 տոկոսը, Գեղարքունիքի մարզում' 4,9 տոկոսը, Արմավիրի մարզում' 8,8 տոկոսը, Շիրակի մարզում' 5,2 տոկոսը։
Ընթացիկ տարվա հոկտեմբերին Արագածոտնի մարզում գրանցվել է գործարքների ընդհանուր թվի 6,3 տոկոսը, Արարատի մարզում'11 տոկոսը, Տավուշի և Սյունիքի մարզերում համապատասխանաբար՝ 3,5 և 4,3 տոկոս։
Պետկադաստրի տվյալների համաձայն' հաշվետու ժամանակահատվածում անշարժ գույքի գործարքների 26,2 տոկոսը բաժին է ընկել անշարժ գույքի օտարման գործարքներին, 13,4 տոկոսը կազմել են անշարժ գույքի առաջնային գրանցման գործարքները։
Բացի այդ, Հայաստանում կատարված գործարքների ընդհանուր թվի 11,8 տոկոսը բաժին է ընկել անշարժ գույքի ժառանգմանը, 12 տոկոսը կազմել են անշարժ գույքի գրավադրման գործարքները, 5,3 տոկոսը' անշարժ գույքի վարձակալման գործարքները։
Հոկտեմբերին 31,3 տոկոսը բաժին է ընկել պետական այլ գրանցումներին։ Հատկանշական է, որ անշարժ գույքի սեփականաշնորհման գործարքներ հաշվետու ժամանակահատվածում չեն գրանցվել։
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться