Հանրային խորհուրդը դրական է գնահատել «Արմենիա միջազգային օդանավակայաններ» ՓԲԸ-ի նոր առաջարկությունը, այն է՝ պահպանել «Զվարթնոց» օդանավակայանի հին մասնաշենքի կենտրոնական աշտարակը, միաժամանակ վերահաստատելով, որ կառույցի ամբողջական տեսքի պահպանումը, հատկապես մասնագետների հավաստմամբ, հնարավոր է միաժամանակ նշելով, որ հնարավոր է մասնաշենքի նպատակային օգտագործման և ճարտարապետական արժևորման տեսանկյունից:
Այսօր հրավիրված մամուլի ասուլիսի ընթացքում այս մասին ասաց Հայաստանի ճարտարապետների միության նախագահ Մկրտիչ Մինասյանը:
«Խոսակցությունները, թե «Զվարթնոց»-ի շենքը խիստ վթարային վիճակում է, չեն համապատասխանում իրականությանը»,- ասաց բանախոսը՝ միևնույն ժամանակ նշելով, որ եթե անհրաժեշտություն կա ամրացնելու այն, կարող են ամրացնել, բայց չի կարելի քանդել:
Ճարտարապետն ասաց, թե որոշակի ժամանակահատվածում բոլոր երկրներում էլ ճարտարապետական կառույցներ են լինում, որոնք այդ ժամանակվա ճարտարապետական ուղղության կարևորագույն մասնիկն են կազմում:
Ճարտարապետների միության նախագահն ասաց, թե Հայաստանը շատ անփույթ է պատմական կառույցների նկատմամբ:
«Կոնցեսիոները զգում է, որ տվյալ կառույցի նկատմամբ պետական հոգածություն, պետական վերաբերմունք չկա, և ժամանակի ընթացքում նա կարող է տվյալ շենքի հետ վարվել, այնպես ինչպես ուզում է: Ասում են՝ ի՞նչ է եղել որ: Այդ շենքի ժամկետն անցել է, կարող ենք քանդել, նորը կառուցել, բայց հին շենքերը անհրաժեշտ են, որովհետև դրանք փայլուն կառույցներ են»,- ասաց Մկրտիչ Մինասյանը:
Եզրափակելով իր խոսքը՝ ճարտարապետների միության նախագահն ասաց, որ շենքը չի կարելի քանդել, այլ պետք է շենքի ամբողջ տեսքը պահպանել ընդամենը մի քանի ամրացման աշխատանքներ անելով:
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться