«Ինտեր ՌԱՕ». ՀԷՑ-ը վնասներ է կրում սակագնային կարգավորման թերացումների պատճառով

Միայն 2014թ. «Հայաստանի էլեկտրական ցանցեր» ՓԲԸ վնասը սակագնային կարգավորման թերացումների պատճառով աճել է 8 տոկոսով եւ կազմել 10.7 մլրդ դրամ։ Այս մասին հայտարարել է «Ինտեր ՌԱՕ»-ի ղեկավար խորհրդի անդամ,  ռազմավարության եւ ներդրումների բլոկի ղեկավար Իլնար Միրսիյապովը։

«Գործող սակագնային կարգավորումը չի երաշխավորում ՀԷՑ-ի եկամուտները եւ հանգեցնում է քրոնիկ վնասների»,- ասել է նա՝ պարզաբանելով, որ ՀԷՑ-ի սակագնային շահույթը վերջին հնգամյակում նվազել է ավելի քան 2 անգամ՝ 50 տոկոսից հասնելով 23 տոկոսի։ «Դա նշանակում է, որ սպառողական սակագների բարձրացումից ստացվող լրացուցիչ եկամուտները ստացել են գեներացնող ընկերությունները, այլ ոչ թե ՀԷՑ-ը։ Եվ սակագնի աճի 73 տոկոսը բաժին է հասնում հանրապետության այլ էլեկտրաէներգետիկ ձեռնարկություններին»,- մեջբերում է ՏԱՍՍ-ը «Ինտեր ՌԱՕ»-ի խորհրդի անդամի խոսքը։

Նա նշել է, որ ՀԷՑ-ն իր  վրա է վերցնում գլխավոր ռիսկերը։ «Հենց ՀԷՑ-ի վրա է արտահայտվում էլեկտրաէներգիայի ոլորտի հաշվեկշռի խախտումը, որի պատճառով ընկերությունը 2012թ.-ից ի վեր անընդհատ վնասներ է կրում։ Արդյունքում ՀԷՑ-ը ստիպված է լինում վարկ վերցնել, ինչն ավելի է բարդացնում իրավիճակը։ 2015թ. բացասական տենդենցը շարունակվում է»,- ասել է Միրսիյապովը