Նախնական կանխատեսումների համաձայն` Հայաստանում միջին ամսական անվանական աշխատավարձը 2015 թ.–ի հունվարին կազմել է 173 121 դրամ (364 դոլար կամ 23 363 ռուբլի), ինչը 19,8 տոկոսով պակաս է նախորդ տարվա դեկտեմբերի ցուցանիշից, հաղորդում է ՀՀ ԱՎԾ–ն։
Միաժամանակ 2014 թ.–ի դեկտեմբերին միջին ամսական անվանական աշխատավարձը երկրում կազմել է 215 986 դրամ, ինչը մոտ 23,2 տոկոսով ավել է 2014 թ.–ի նոյեմբերի ցուցանիշից և 10,7 տոկոսով ավել է 2013 թ.–ի դեկտեմբերի ցուցանիշից։
Ամենաբարձր միջին ամսական անվանական աշխատավարձը 2014 թ.–ի դեկտեմբերին գրանցվել է Սյունիքի մարզում` մոտ 276,1 հազար դրամ, ամենացածր աշխատավարձը` Արագածոտնի մարզում` մոտ 149,7 հազար դրամ։ Երևանում միջին ամսական անվանական աշխատավարձը դեկտեմբերին կազմել է մոտ 234,7 հազար դրամ։
Միաժամանակ դեկտեմբերին ամենաբարձր աշխատավարձեր են գրանցվել ֆինանսական և ապահովագրական գործունեության ոլորտում` մոտ 526,8 հազար դրամ, լեռնահանքային արդյունաբերության ոլորտում` 458,9 հազար դրամ և տեղեկատվության ու կապի ոլորտում՝ 387,7 հազար դրամ։
Ամենացածր վարձատրվող ոլորտներն են այլ ծառայությունների ոլորտը, որտեղ աշխատավարձը կազմել է մոտ 119,4 հազար դրամ, բնակության կազմակերպման և հանրային սննդի ոլորտը՝ 122,3 հազար դրամ, կրթության ոլորտը՝ 134,9 հազար դրամ, մշակույթի, ժամանցի և հանգստի ոլորտները՝ 141,7 հազար դրամ և գյուղատնտեսության, անտառային տնտեսության և ձկնաբուծության ոլորտները՝ 144,4 հազար դրամ:
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться