ԵՏՄ մակրոտնտեսության և ինտեգրման նախարար Տատյանա Վալովայան հորդորում է չշտապել Եվրասիական տնտեսական միության երկրների ընդհանուր արժութային միություն ստեղծելու հարցում, հայտնում է ՌԻԱ Նովոստին։
«Ես շատ զգույշ եմ միասնական արժույթի ստեղծման հարցում։ Նախ մենք պետք է ընդհանուր շուկա ունենանք, այնուհետև խոսենք ընդհանուր արժույթի մասին։ Սակայն դրամական քաղաքականությունը համակարգել է պետք»,– Վաշինգտոնում, ԵՏՄ զարգացման հարցերը քննարկող «կլոր սեղանի» շուրջ հայտարարել է Վալովայան։
ՌԴ նախագահ Վլադիմիր Պուտինը հանձնարարել է ՌԴ ԿԲ–ին և կառավարությանը մինչև սեպտեմբերի 1-ը սահմանել ԵՏՄ արժութային միության ստեղծման նպատակահարմարությունը, մարտի 10-ին հայտնել էր Կրեմլի կայքը։
Միաժամանակ Բելառուսի նախագահ Ալեքսանդր Լուկաշենկոն հունվարի վերջին հայտարարել էր, որ իր նախագահության օրոք Եվրասիական տնտեսական միության ընդհանուր արժույթ չի ներդրվի։
ԵՏՄ–ն 2015 թվականի հունվարի 11-ից դարձավ Մաքսային միության իրավահաջորդը։ Միության կազմում են Ռուսաստանը, Բելառուսը, Ղազախստանը, Հայաստանը, անդամակցության բանակցություններ են անցկացվում նաև Ղրղըզստանի հետ։
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться