Հայաստանի բազմաբնակարան շենքերում անշարժ գույքի գործարքների թիվը 2014 թ. աճել է 13,3%, իսկ գներն աճել են 0,8%. Կադաստրի պետական կոմիտե

Հայաստանի բազմաբնակարան շենքերում անշարժ գույքի առուվաճառքի գործարքների թիվը 2014 թ.–ին աճել է 13,3 տոկոսով, իսկ գներն ավելացել են 0,8 տոկոսով, փետրվարի 23-ին լրագրողներին ասաց Հայաստանի անշարժ գույքի կադաստրի պետական կոմիտեի համակարգված մոնիտորինգի բաժնի պետ Արմինե Դավիդյանը։

Նրա խոսքերով' Երևանի բազմաբնակարան շենքերում անշարժ գույքի առուվաճառքի գործարքների թիվն աճել է 0,5 տոկոսով, իսկ մարզերում' 0,3 տոկոսով։ Միաժամանակ Երևանում գրանցվել է անշարժ գույքի գների չնչին աճ (0,8 տոկոսով) և հանրապետության մարզերում' 0,7 տոկոսով։

«Ամենաբարձր գները գրանցվել են Երևանի Կենտրոն համայնքում' 1 ք.մ.–ի դիմաց 428 հազար դրամ' 2013 թ.–ին գրանցված 427 դրամի համեմատ, իսկ ամենացածրը' Նուբարաշեն համայնքում' 2014 թ.–ին 1 ք.մ.–ի դիմաց 155 600 դրամ' 2013 թ.–ին գրանցված 150900 դրամի դիմաց», – ասաց Դավիդյանը։

«Ակցեռն» կոնցեռնի նախագահ Հակոբ Բաղդասարյանն իր հերթին նշեց անշարժ գույքի շուկայում բնակարանների արժեքի միտումների փոփոխությունը։

«Եթե մի քանի տարի առաջ երկրորդային բնակարանն արժեր նորակառույցներից 20 տոկոսով թանկ, ապա այսօր գները գրեթե հավասարվել են, և ժամանակի ընթացքում շուկայում կարող է ձևավորվել անշարժ գույքի առաջնային շուկայի առաջնահերթությունը», – ասաց Բաղդասարյանը։

Անշարժ գույքի կադաստրի պետական կոմիտեի տվյալներով' անշարժ գույքի գործարքների թիվը 2014 թ.–ին, 2013 թ.–ի համեմատ, ավելացել է 12,3 տոկոսով և գերազանցել է 214 հազարը։ Գործարքների հիմնական մասը (մոտ 33 տոկոսը) իրականացվել է Երևանում։ 2014 թ.–ի արդյունքում գրանցվել է անշարժ գույքի օտարման 53 հազար գործարք, որից հիմնական մասը' մոտ 75 տոկոսը, բաժին է հասել անշարժ գույքի առուվաճառքի գործարքներին ( $1 - 478,91 դրամ)։

Աղբյուրը՝ arka.am