Այսօրվա դրությամբ Հայաստանում օգտագործվող ջրի ռեսուրսը կազմում է 3 մլրդ խորանարդ մետր, և կլիմայի փոփոխության պատճառով այս ցուցանիշը կարող է կրճատվել մոտ 30 տոկոսով կամ 700 մլն-ից մինչև 1 մլրդ խորանարդ մետրով, հայտարարեց ՄԱԿ-ի կլիմայի փոփոխության շրջանակային կոնվենցիայի ազգային համակարգող Արամ Գաբրիելյանը:
«Ջերմաստիճանի հետագա բարձրացումը կհանգեցնի ջրի պահանջարկի ավելացման, տեղումների քանակի նվազման, գոլորշիացման մակարդակի բարձրացման և Հայաստանում արտեզյան ջրերի պաշարների կրճատման», - ուրբաթ մամուլի ասուլիսի ժամանակ ասաց Գաբրիելյանը:
Նա նշեց, որ ջրի կորուստը տեղի է ունենում նաև ջրի ոչ արդյունավետ օգտագործման և ջրամատակարարման ոչ կատարյալ համակարգի պատճառով: Այսպիսով՝ Հայաստանի համար կենսականորեն կարևոր է դառնում ադապտացումը կլիմայի փոփոխությանը: Հրատապ է դառնում էկոհամակարգային մոտեցումը բնական ռեսուրսների օգտագործմանը, ինչը ենթադրում է ռեսուրսների օգտագործում վերականգնվող ծավալով:
Նրա կարծիքով՝ կլիմայի փոփոխությունը, ջերմաստիճանի գլոբալ բարձրացումը Հայաստանի համար հղի է ավելի բացասական հետևանքներով երկրի ֆիզիկա-աշխարհագրական դիրքի պատճառով:
Հայաստանի միջին բարձրությունը ծովի մակերևույթից կազմում է 1850 մետր:
«Միաժամանակ Հայաստանում օդի ջերմաստիճանը բարձրանում է միջինը 20-25 տոկոսով ավելի, քանի այն երկրներում, որոնք գտնվում են ավելի ցածր տարածքում: Այսինքն՝ եթե ողջ աշխարհում ջերմաստիճանի բարձրացումը միջինը կազմել է 0,8 աստիճան, ապա Հայաստանի համար այն գերազանցում է մեկ աստիճանը», - ասաց փորձագետը:
Հայաստանը ՄԱԿ-ի կլիմայի փոփոխության շրջանակային կոնվենցիան ստորագրել է 1992 թ.-ին և վավերացրել է այն 1993 թ.-ին:
Աղբյուրը՝ arka.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться