Հայաստանում ապրիլին անշարժ գույքի հետ կապված ավելի քան 19 հազար գործարք է կատարվել

Անշարժ գույքի հետ գործարքների թիվը 2014 թվականի ապրիլին կազմել է 18678, ինչը 18% շատ է նախորդ տարվա նույն ժամանակահատվածի ցուցանիշից, ասվում է Հայաստանի անշարժ գույքի կադաստրի պետական կոմիտեի հաշվետվությունում։

Միաժամանակ, ապրիլին, մարտի համեմատ, գործարքների թիվն ավելացել է 3.9 տոկոսով։

Անշարժ գույքի գործարքների առավելագույն թիվը հաշվետու ժամանակահատվածում գրանցվել է Երևանում' գործարքների ընդհանուր թվի 33.4 տոկոսը, իսկ նվազագույնը' Վայոց Ձորի մարզում' 1.6 տոկոս։

Միաժամանակ, հանրապետության Կոտայքի մարզում գրանցվել է գործարքների ընդհանուր թվի 16.5 տոկոսը, Արմավիրի մարզում' 8.8%, Արարատի մարզում' 8.4%, Լոռիում' 6.6 տոկոս, Գեղարքունիքում' 6.5%, Շիրակի մարզում' 5.1%, Արագածոտնի մարզում' 5,0%, Սյունիքի մարզում' 3.9%, Տավուշի մարզում' 4.2%։

Հայաստանի անշարժ գույքի կադաստրի պետական կոմիտեի տվյալների համաձայն' ապրիլին գրանցված անշարժ գույքի գործարքների 23.6 տոկոսը բաժին է ընկել անշարժ գույքի օտարման գործարքներին, 10.7 տոկոսը կազմել են անշարժ գույքի առաջնային գրանցման գործարքները։

Բացի այդ, Հայաստանում կատարված գործարքների ընդհանուր թվի 8.7 տոկոսը բաժին է ընկել անշարժ գույքի ժառանգմանը, 13.1 տոկոսը կազմել են անշարժ գույքի գրավադրման գործարքները, 3.7 տոկոսը' անշարժ գույքի վարձակալման գործարքները, 40.2 տոկոսը' այլ պետական գրանցումները։

Առաջին եռամսյակում անշարժ գույքի սեփականաշնորհման գործարքներ չեն գրանցվել։

Աղբյուրը՝ arka.am