2014 թ.–ի առաջին կիսամյակում Հայաստանում կատարվել է անշարժ գույքի 44931 գործարք, ինչը 10,1 տոկոսով ավելի է նախորդ տարվա նույն ժամանակահատվածի ցուցանիշից, տեղեկացվում է Հայաստանի անշարժ գույքի կադաստրի պետական կոմիտեն:
Միաժամանակ գործարքների թիվը 2014 թ.–ի առաջին եռամսյակում, 2013 թ.–ի չորրորդ եռամսյակի համեմատ, նվազել է 15,3 տոկոսով։
Հաշվետու ժամանակահատվածում անշարժ գույքի ամենամեծ թվով գործարքներ են գրանցվել Երևանում' գործարքների ընդհանուր թվի 34,7 տոկոսը, ամենաքիչը' Վայոց Ձորում' 2,3 տոկոս։
Միաժամանակ Կոտայքի մարզում առաջին կիսամյակում գրանցվել է գործարքների ընդհանուր թվի 13,1 տոկոսը, Արմավիրի մարզում '8,4 տոկոսը, Արարատի մարզում' 7.9 տոկոսը, Գեղարքունիքի մարզում' 7,2 տոկոսը, Լոռու մարզում' 7,1 տոկոսը, Շիրակի մարզում' 5,9 տոկոսը, Արագածոտնի մարզում' 5,6 տոկոսը, Սյունիքում' 5,1 տոկոսը և Տավուշում' 3,7 տոկոսը։
Պետական կադաստրի տվյալների համաձայն' հունվար–մարտին գրանցված անշարժ գույքի հետ կապված գործողությունների 25,1 տոկոսը բաժին է ընկել անշարժ գույքի օտարման գործընթացներին, 10,7 տոկոսը կազմել են անշարժ գույքի առաջնային գրանցման գործընթացները։
Բացի այդ, հաշվետու ժամանակահատվածում Հայաստանում գրանցված գործարքների ընդհանուր թվից 10,9 տոկոսը բաժին է ընկել ժառանգությանը, 12,2 տոկոսը կազմել են գրավի դիմաց գործարքները, 4,7 տոկոսը' անշարժ գույքի վարձակալության գործարքները, 36,4 տոկոսը' այլ պետական գրանցումները։
Անշարժ գույքի սեփականաշնորհման գործարքներ առաջին կիսամյակում չեն գրանցվել։
Աղբյուրը՝ arka.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться