Թարմ պտուղ-բանջարեղենային մշակաբույսերի արտահանումը Հայաստանից այսօրվա դրությամբ կրկնակի աճել է նախորդ տարվա համեմատ՝ կազմելով 28500 տոննա, ուրբաթ լրագրողներին հայտնեց Հայաստանի գյուղատնտեսության փոխնախարար Ռոբերտ Մակարյանը:
«Նոյեմբերի 22-ի տվյալներով արդեն արտահանվել է մոտ 28500 տոննա թարմ պտուղ-բանջարեղեն, իսկ նախորդ տարվա նույն ցուցանիշը կազմում էր 14200 տոննա, ամբողջ տարվա ընթացքում՝ 16800 տոննա»,- ասաց Մակարյանը:
Ըստ նրա, մասնավորապես, այս տարի արտահանվել է 12600 տոննա ծիրան, 1100 տոննա կեռաս, 8200 տոննա խաղող և 1600 տոննա դեղձ, ավելացնելով, որ կարտոֆիլի արտահանումը Հայաստանից աճել է գրեթե հինգ անգամ՝ կազմելով 1111 տոննա:
Փոխնախարարն ավելացրեց, որ մինչև 902 տոննա է աճել կաղամբի և ծաղկակաղամբի արտահանումը, մինչդեռ նախորդ տարվա նույն ժամանակահատվածում արտահանումը կազմել էր 189 տոննա:
Մակարյանն ավելացրեց նաև, որ այսօր պտուղ-բանջարեղենի արտահանման հիմնական ուղղություններն են՝ Ռուսաստանը, Վրաստանը և Ուկրաինան:
Աղբյուրը՝ arka.am
Լուսանկարը՝ arka.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться