Հայաստանում տարեկան մոտ 20 հազար տոննա պանիր է սպառվում, դեկտեմբերի 19-ին մամուլի ասուլիսում հայտարարեց Հայաստանի Պանրագործների միության նախագահ Արմեն Գիգոյանը։
«Այդ ծավալի հինգ հարյուր տոննան ներկրվող պանիրն է»,– ասաց Գիգոյանը։
Միության ղեկավարը միաժամանակ ավելացրեց, որ Հայաստան պանիր է ներկրվում առավելապես Եվրոպայից, մասնավորապես, Հոլանդիայից և Բուլղարիայից։
Գիգոյանը միաժամանակ նշեց, որ այս տարի պանրի արտադրության ծավալը հանրապետությունում մի փոքր կրճատվել է։ Ըստ նրա' դա պայմանավորված է նրանով, որ կթելու սեզոնը համեմատաբար ուշ է սկսվել և սովորականից շուտ է ավարտվել։
«Այնուամենայնիվ, նախատոնական օրերին և տոներից հետո պանրի պակաս և գների բարձրացում չի սպասվում»,– ասաց նա։
Հայաստանն ավելի քան 25 տեսակի պանիր է արտադրում։ Պանրի շատ տեսակներ' «Լոռին», «Չանախը», «Մոթալը», «Չեչիլը», «Եղեգնաձորը», բուն հայկական տեսակներ են։
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться