Հայ-չեխական երկկողմ առևտրի ծավալը հասնում է 64 մլն դոլարի

2011 թվականին հայ-չեխական երկկողմ առևտուրը հասել է 64 մլն ԱՄՆ դոլարի, այս մասին Հայ-չեխական գործարար համաժողովի ժամանակ, ասաց Չեխիայի Հանրապետության փոխարտգործնախարար Տոմաշ Դուբը։

Չեխ պաշտոնյան ասաց, որ համաժողովը հնարավորություն կընձեռի հայ գործարարներին ներկայացնելու իրենց ներդրումային գործարար-առաջարկները, կնպաստի նաև առևտրատնտեսական հարաբերութունների զարգացմանը:

«Պատահականություն չէ, որ Չեխիայի տնտեսական ոլորտի ներկայացուցիչները եկել են Հայաստան' բանակացութություններ վարելու Հայաստանի տնտեսության ներկայացուցիչների հետ:Առևտրական առաքելությունը կարևոր գործիք է Չեխիայի արտաքին քաղաքականության մեջ»,– ասաց նա:

«Չեխիայի Հանրապետությունը Հայաստանին համարում է կարևոր գործընկեր: Մեր ապրանքների արտահանումը Հայաստան այնքան կարևոր է, որքան Հայաստանից կատարվող ներմուծումը Չեխիա: Մեր նպատակն է ամրապնդել հարաբերությունները հայ գործարարների հետ»,- ասաց Տոմաշ Դուբը:

Համաժողովի կազմակերպիչներից Զարգացման հայկական գործակալության գլխավոր տնօրեն Ռոբերտ Հարությունյանն իր խոսքում նշեց, որ Հայաստանը բաց է ներդրողների և գործարար կապերի զարգացման համար և ողջունելի է չեխական ներդրումային կապիտալի ընդլայնումը Հայաստանում:

ՀՀ արտգործնախարարի տեղակալ Զոհրաբ Մնացականյանն իր հերթին ասաց, որ երկու երկրների միջև հարաբերությունները բարձրացել են նոր մակարդակի, որն արտահայտվել է ոչ միայն երկու պետություններում դիվանագիտական ներկայացուցչությունների բացմամբ, այլև տնտեսական հարաբերությունների զարգացմամբ:

«Հայաստանը կարևորում է եվրոպական երկրների հետ առևտրատնտեսկան հարաբերությունների զարգացումը: ԵՄ-ը Հայաստանի խոշոր գործընկերն է, և մեր արտահանման կեսը բաժին է ընկնում ԵՄ երկրներին:

Հայաստանը առևտրի և տնտեսության ոլորտի իր ընթացակարգերը համապատասխանեցում է եվրոպական չափանիշներին»,- ասաց Զոհրաբ Մնացականյանը:

Համաժողովի շրջանակներում Չեխիայից ժամանաել են արդյունաբերության տարբեր ոլորտներ ներկայացնող 13 ընկերութուն' մսամթերքի արտադրություն, արտահանում և ներդրումային վարկերի տրամադրում, հեռահաղորդակցություն և այլն:

Ներկայում չեխական կապիտալով Հայաստանում գործում են ավելի քան 20 ընկերություն: 2011թ. ՀՀ-ից արտահանումն այս երկիր կազմել է 19 մլն ԱՄՆ դոլար և ներմուծումը' 24 մլն ԱՄՆ դոլար:

2011թ. ՀՀ-ից Չեխիայի Հանրապետություն է արտահանվել հիմնականում ալյումին և իրեր դրանից, ինչպես նաև սև մետաղներ: Ներմուծվել են հիմնականում միջուկային ռեակտորներ, էլեկտրական մեքենաներ, ապակի և դրանից իրեր և այլն:

Բացի այս համաժողովից, կանցկացվեն նաև գործարար անհատական հանդիպումներ հայ և չեխ գործարարների հետ:

Աղբյուրը՝ tert.am

Լուսանկարը՝ tert.am