Հայաստանը 2020թ.–ին նախատեսում է եռակի ավելացնել գինու արտադրության ծավալները

Հայաստանը 2020թ.–ին նախատեսում է եռակի ավելացնել գինու արտադրության ծավալները, հոկտեմբերի 3-ին լրագրողներին ասաց ՀՀ արդյունաբերության զարգացման հիմնադրամի տնօրեն Հայկ Միրզոյանը։

Ըստ նրա, միայն առաջին կիսամյակի արդյունքներով արտադրության ծավալն աճել է 42,4 տոկոսով և կազմել 2,4 մլրդ դրամ, ինչը թույլ է տալիս հուսալ, որ 2020 թվականին հնարավոր կլինի հասնել նախատեսված ցուցանիշներին։

«Դրական միտումներ են ցուցադրում նաև արտահանման ծավալները, որոնք առաջին կիսամյակում 2012թ.–ի նույն ժամանակահատվածի համեմատ աճել են 56 տոկոսով և կազմել 790 մլն դրամ»,– ասաց Միրզոյանը։

Նա նշեց նաև արտահանման ուղղությունների դրական դինամիկան, որտեղ գերակշռում են ԱՊՀ երկրները, մասնավորապես' Ռուսաստանը, նաև ընդլայնվում են մատակարարումները դեպի Եվրոպայի և ԱՄՆ–ի երկրներ։

Հիմնադրամի ղեկավարն առանձին նշել է արտահանման կառուցվածքի փոփոխությունները, որտեղ ավելանում է առավել որակյալ և թանկարժեք գինիների ծավալը։

ԱՎԾ տվյալների համաձայն, Հայաստանում արտադրված գինու ծավալը 2013թ.–ի հունվար–օգոստոս ամիսներին, 2012թ.–ի նույն ժամանակահատվածի համեմատ, աճել է 32,8 տոկոսով և կազմել 3 449.6 հազար լիտր։

Աղբյուրը՝ arka.am