Apple-ի բաժնետոմսերը 2.1 %-ի անկում են գրանցել

Աշխարհի ամենաթանկ՝ ամերիկյան Apple ընկերության բաժնետոմսերը 2.1 %-ի անկում են գրանցել, ինչի հետևանքով դրանցից յուրաքանչյուրի գինը նվազել է՝ հասնելով 1 ապրանքի դիմաց 525.6 դոլարի, հայտնում է Лента-ն։

Այսպիսով, Apple-ի կապիտալիզացիան ընթացիկ տարվա փետրվարին գրանցված 500 մլրդ դոլարի ցուցանիշից էլ ցած է ընկել։ Ընդհանուր առմամբ վերջին ամսվա ընթացքում ընկերության կապիտալիզացիան կրճատվել է 17%-ով, թեպետ պետք է նաև նշել, որ տարեսկզբից բաժնետոմսերի գինն աճել է 30%-ով։ Ընկերության բաժնետոմսերի ամենաբարձր գինը՝ 700 դոլար յուրաքանչյուրի դիմաց, սահմանվել էր սեպտեմբերին՝ iPhone 5-ի շնորհանդեսից հետո և iPad mini-ի շնորհանդեսից առաջ։

Ոլորտի մասնագետները բաժնետոմսերի անկումը բացատրում են մի քանի գործոններով, որոնցից հիմնականը iPhone 5 վաճառքի ոչ բավարար արդյունքներն են։ Սակայն դա կապված է ոչ թե ցածր պահանջարկի, այլ նրա հետ, որ արտադրողները չեն կարողանում պատվերների նման մեծ քանակը բավարարել։ Չնայած, որ Apple-ի արժեգինը զգալի ընկել է, այնուամենայնիվ այն շարունակում է համարվել աշխարհի ամենաթանկ ընկերությունը, որին հաջորդում է Exxon Mobil-ը՝ ընդամենը 392 մլրդ դոլարով։

Աղբյուրը՝ tert.am

Լուսանկարը՝ tert.am