Նախագիծ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հոդված 1․ 2016 թվականի հոկտեմբերի 4-ի Հայաստանի Հանրապետության հարկային օրենսգրքի (այսուհետ՝ Օրենգիրք) 191-րդ հոդվածում՝
1) 1-ին մասը լրացնել հետևյալ բովանդակությամբ 7-րդ կետով․
«7) Դեպի երրորդ երկիր Հայաստանի Հանրապետության տարածքով տարանցման նպատակով բեռնատար տրանսպորտային միջոցներով Հայաստանի Հանրապետություն մուտք գործող ճանապարհային հարկ վճարողները՝ Հայաստանի Հանրապետության Կառավարության սահմանած՝ բեռնատար տրանսպորտային միջոցի գրանցման (հաշվառման) երկրին, տեսակին և քանակին համապատասխան։»:
2) 2-րդ մասի 6-րդ կետը շարադրել հետևյալ խմբագրությամբ.
«6) սույն հոդվածի 1-ին մասի 7-րդ կետով նախատեսված դեպքերում այլ երկրներում գրանցված տրանսպորտային միջոցներով Հայաստանի Հանրապետություն մուտք գործող ճանապարհային հարկ վճարողների համար` տրանսպորտային միջոցների գրանցման (հաշվառման) վկայագիրը։»
Հոդված 2․
Սույն օրենքն ուժի մեջ է մտնում պաշտոնական հրապարակմանը հաջորդող օրվանից։
Սույն օրենքի ընդունմամբ պայմանավորված՝ համապատասխան ենթաօրենսդրական նորմատիվ իրավական ակտն ընդունվում է սույն օրենքն ընդունվելուց հետո՝ չորս ամսվա ընթացքում:
ՀԻՄՆԱՎՈՐՈՒՄ
«Հարկային օրենսգրքում լրացում և փոփոխություն կատարելու մասին» օրենքի նախագծի ընդունման
Իրավական ակտի ընդունման անհրաժեշտությունը.
«Հայաստանի Հանրապետության հարկային օրենսգրքում լրացում և փոփոխություն կատարելու մասին» օրենքի նախագծի ընդունման անհրաժեշտությունը պայմանավորված է Հայաստանի Հանրապետության տարանցիկ դերի բարձրացման և Իրանի Իսլամական Հանրապետության հետ բեռնափոխադրումների ոլորտում համագործակցության զարգացման անհրաժեշտությամբ։
Ընթացիկ իրավիճակը և խնդիրները.
Հայաստանի Հանրապետության հարկային օրենսգրքով սահմանված ճանապարհային հարկը Հայաստանի Հանրապետության ավտոմոբիլային ճանապարհների ցանցի զարգացման, Հայաստանի Հանրապետության ընդհանուր օգտագործման պետական ավտոմոբիլային ճանապարհների շինարարության, նորոգման և պահպանման համար անհրաժեշտ դրամական միջոցների գոյացման նպատակով պետական բյուջե վճարվող հարկ է: Ճանապարհային հարկով հարկման օբյեկտներ է համարվում Հայաստանի Հանրապետությունում չգրանցված (չհաշվառված) բեռնատար ավտոտրանսպորտային միջոցներով Հայաստանի Հանրապետության ավտոմոբիլային ճանապարհներից օգտվելը։ Ճանապարհային հարկը գանձում են մաքսային մարմինները՝ հանրապետություն մուտք գործելու յուրաքանչյուր 15 օրվա համար։ Ճանապարհային հարկի մեծությունը կախված է մեքենայի բեռնատարողությունից։
Հարկային օրենսգրքի 191-րդ հոդվածով սահմանված են ճանապարհային հարկի արտոնությունները։
Ճանապարհային հարկի նոր արտոնություն սահմանելու համար անհրաժեշտ է փոփոխություններ կատարել միջազգային պայմանագրերում կամ Հարկային օրենսգրքում, ինչը ժամանակատար գործընթաց է։
ԻԻՀ-ի հետ ներկայումս քննարկվում են երկկողմ բեռնափոխադրումների գործընթացը դյուրացնելու ուղղությամբ միջոցառումներ իրականացնելու հարցերը, որոնց շրջանակներում կարևորվում է երկուստեք բեռնափոխադրումների արտոնություններ սահմանելու հարցը։
Բացի այդ՝ Հարկային օրենսգրքի 191-րդ հոդվածի 1-ին մասի 6-րդ կետը ուժը կորցրած է ճանաչվել, իսկ նույն կարգավորմանը վերաբերող 2-րդ մասի 6-րդ կետը պահպանվել է, ինչը օրենսդրական բաց է և ենթակա է կարգավորման։
Տվյալ բնագավառում իրականացվող քաղաքականությունը.
Առկա խնդիրները լուծելու նպատակով առաջարկվում է փոփոխություն կատարել Հարկային օրենսգրքում՝ ՀՀ կառավարությանը վերապահելով ճանապարհային հարկի արտոնություններ սահմանելու իրավասություն։ Կարգավորման նպատակը ճանապարհային հարկի նոր արտոնություններ սահմանելու կամ դրանք վերանայելու գործընթացը դյուրացնելն է, որը հնարավորություն կտա արտոնությունների սահմանման գործընթացը իրականացնել զուգահեռ մյուս կողմի պետության հետ։
Օրենքի նախագծով նաև կարգավորվում է օրենսդրական հակասությունը։
Կարգավորման նպատակը և բնույթը.
Օրենքի նախագծով առաջարկվում է՝
1․ Դեպի երրորդ երկիր Հայաստանի Հանրապետության տարածքով տարանցման նպատակով բեռնատար տրանսպորտային միջոցներով Հայաստանի Հանրապետություն մուտք գործող ճանապարհային հարկ վճարողները՝ Հայաստանի Հանրապետության Կառավարության սահմանած՝ բեռնատար տրանսպորտային միջոցի գրանցման (հաշվառման) երկրին, տեսակին և քանակին համապատասխան։
սահմանվել են ճանապարհային հարկի արտոնություններից օգտվելու իրավունքը հավաստող փաստաթղթերը։
5․Նախագծի մշակման գործընթացում ներգրավված ինստիտուտները և անձիք.Օրենքների նախագծերի փաթեթը մշակվել է Տարածքային կառավարման և ենթակառուցվածքների նախարարության կողմից։
6․ Տեղեկատվություն լրացուցիչ ֆինանսական միջոցների անհրաժեշտության և պետական բյուջեի եկամուտներում և ծախսերում սպասվելիք փոփոխությունների մասին.
Օրենքի նախագծի ընդունման դեպքում պետական բյուջեի եկամուտների ավելացում կամ նվազեցում չի նախատեսվում։
Կապը ռազմավարական փաստաթղթերի հետ
Նախագիծը որևէ ռազմավարական փաստաթղթի հետ կապ չունի։
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться