Հայաստանն այս անգամ չպետք է բաց թողնի Իրանի հետ գործընկերությունն ամրապնդելու հնարավորությունը։ Այս մասին «Հայաստանը ԵԱՏՄ-ում. ինտեգրացիոն գործընթացի ընթացիկ արդյունքներն ու տեսանելի հեռանկարները» մամուլի ասուլիսում ասել է ԵՊՀ միջազգային հարաբերությունների ֆակուլտետի Ռուսաստանյան հետազոտությունների կենտրոնի տնօրեն, Եվրասիական փորձագիտական ակումբի համակարգող Արամ Սաֆարյանը՝ մեկնաբանելով ԵԱՏՄ-Իրան ազատ առեւտրի մասին լիաչափ համաձայնագիրը, որը ստորագրվել է երեկ Սանկտ Պետերբուրգում, Եվրասիական բարձրագուն տնտեսական խորհրդի նիստում։
Սաֆարյանի խոսքով՝ Ռուսաստան վերարտահանման փորձը, որը վերջին երկու տարում կուտակել է Հայաստանը, այժմ կարող է օգնել նաեւ Իրանի հետ հարաբերություններում, որպեսզի իրանական շուկան հագեցնի ժամանակակից, բարձրտեխնոլոգիական ապրանքներով. «Ակնհայտ է, որ վերջին մեկ-երկու տարում Իրանը հատուկ հետաքրքրություն է ցուցաբերում ոչ միայն Եվրասիական միության հանդեպ ընդհանրապես, այլեւ Հայաստանի հանդեպ մասնավորապես։ Իրան-ԵԱՏՄ արտոնյալ առեւտրի մասին ժամանակավոր համաձայնագիրը Հայաստանի համար ըստ էության այդպես էլ չի գործարկվել։ Ռուսաստանի հետ առեւտուրն այդ տարիներին ավելացել է 76 տոկոսով, բայց Հայաստանի հետ նման զարգացում չի նկատվում»։
Իր հերթին տնտեսական գիտությունների դոկտոր, պրոֆեսոր, «Այլընտրանք» հետազոտական կենտրոնի ղեկավար, Եվրասիական փորձագիտական ակումբի անդամ Թաթուլ Մանասերյանը նշել է, որ հայ-իրանական սահմանին առայժմ ենթակառուցվածք չկա՝ թե՛ լոգիստիկ, թե՛ բեռների ապահովագրման. «Բացի այդ, հարկավոր է, վերջապես, լրջորեն մտածել Իրանի հետ համատեղ ձեռնարկություններ ստեղծելու մասին՝ թե՛ իրանական, թե՛ ԵԱՏՄ շուկաների համար։ Նման նախաձեռնություններ առայժմ բխում են միայն իրանական կողմից, իսկ հիմա դրանք պետք է երկկողմանի լինեն։ Այդ արտադրությունների ստեղծման մեջ պետք է ներգրավել ոչ միայն Իրանի, այլեւ Ռուսաստանի եւ ԵԱՏՄ այլ երկրների բիզնեսը»։
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться