• Armenianeconomy.com

Վահան Քերոբյանը վրաց գործընկերների հետ քննարկել է առևտրատնտեսական ոլորտում համագործակցության ընդլայնման հեռանկարները

ՀՀ էկոնոմիկայի նախարարի պաշտոնակատար Վահան Քերոբյանի գլխավորած պատվիրակությունը հուլիսի 29-30-ը աշխատանքային այցով գտնվում էր Վրաստանում: Այցի նպատակն էր վրաց գործընկերների հետ քննարկել առևտրատնտեսական ոլորտում հայ-վրացական երկկողմ համագործակցության ընդլայնման հնարավորությունները։

Պատվիրակության կազմում էին ՀՀ էկոնոմիկայի նախարարի տեղակալ Ավագ Ավանեսյանը, նախարարության արտաքին կապերի վարչության պետ Արմեն Այվազյանը, Հայաստանի խաղողագործության և գինեգործության հիմնադրամի տնօրեն Զարուհի Մուրադյանը: Հանդիպումներին մասնակցել է նաև Վրաստանում ՀՀ դեսպան Ռուբեն Սադոյանը։

Այցի առաջին օրը` հուլիսի 29-ին, նախարարի պաշտոնակատար Վահան Քերոբյանի գլխավորած պատվիրակությունը հանդիպում է ունեցել Վրաստանի էկոնոմիկայի և կայուն զարգացման նախարար Նաթելա Տուրնավայի հետ։

Հանդիպման ընթացքում քննարկվել են Հայաստան-Վրաստան տնտեսական համագործակցության ներկայիս իրավիճակը, տարածաշրջանային համագործակցության հեռանկարները:

«Մեր երկրներն առանձին, համեմատաբար փոքր շուկաներ ունեն, բայց միասին շատ ավելի գրավիչ կարող են դառնալ տարածաշրջանում։ Այս համատեքստում կարող ենք քննարկել մի շարք համատեղ նախագծերի իրականացման հնարավորությունները ենթակառուցվածքների, զբոսաշրջության, երկաթուղու և էներգետիկայի ոլորտներում», - նշել է Վահան Քերոբյանը։

Կողմերը խոսել են արագընթաց գնացքի գործարկման հնարավորության մասին, որը թույլ կտա Երևանից Թբիլիսի հասնել 2-3 ժամվա ընթացքում, ինչի արդյունքում կզարգանա նաև զբոսաշրջությունը։

Գործընկերներն անդրադարձել են երկու երկրների միջև գինեգործական զբոսաշրջության զարգացման հեռանկարներին։

Հանդիպման ավարտին Վահան Քերոբյանը հրավիրել է վրացի գործարարներին մասնակցություն ունենալ Հայաստանի ներդրումային նախագծերում։

Հուլիսի 29-ին Վահան Քերոբյանի գլխավորած պատվիրակությունը հանդիպել է  Վրաստանի ֆինանսների նախարար Լաշա Խուցիշվիլիի հետ։

Քննարկվել են երկու երկրների միջև տարբեր ոլորտներում համագործակցության հնարավորությունները, անդրադարձ է եղել տնտեսական կապերի ամրապնդման, հարկային ու մաքսային ոլորտներում համագործակցության կարևորության հարցերին։

Կողմերը քննարկել են նաև Վրաստանի տարածքով տարանցիկ փոխադրումների հետ կապված խնդիրները։

Հուլիսի 30-ին հայկական պատվիրակությունը հանդիպումներ է ունեցել փոխվարչապետ, Բնապահպանության և գյուղատնտեսության նախարար Լևան Դավիթաշվիլիի և Տարածաշրջանային զարգացման և ենթակառուցվածքների նախարար Իրակլի Քարսելաձեի հետ։

Վրացի գործընկերների հետ քննարկվել են տարածաշրջանային համագործակցության, Վրաստանի տարածքով տարանցիկ փոխադրումների հետ կապված խնդիրներ, ինչպես նաև անդրադարձ է եղել գյուղատնտեսության բնագավառում համագործակցության հնարավորություններին։

Տեղեկացնենք, որ ՀՀ վիճակագրական կոմիտեի տվյալների համաձայն՝ 2021 թ․ հունվար–մայիսին Հայաստանից Վրաստան արտահանումը կազմել է 24,5 մլն ԱՄՆ դոլար, ինչը նախորդ տարվա նույն ժամանակահատվածի համեմատ աճել է 17%–ով (2020 թվականի հունվար–մայիսին  կազմել է  20,9 մլն ԱՄՆ դոլար):2021 թ․ հունվար–մայիսին Վրաստանից Հայաստան ներմուծումը, ըստ ծագման երկրի հատկանիշի, կազմել է 35,0 մլն ԱՄՆ դոլար, ինչը նախորդ տարվա նույն ժամանակահատվածի համեմատ աճել է 38%–ով (2020թ․ հունվար–մայիսին կազմել է  25,4 մլն ԱՄՆ դոլար)։


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Միջազգային համագործակցություն
• Տեղի է ունեցել ԱՊՀ անդամ երկրների և Մոնղոլիայի աշխատանքի տեսչությունների տարածաշրջանային դաշինքի տարեկան համաժողովը• Ստորագրվել են համագործակցության փաստաթղթեր «Armenian Business Forum»-ի շրջանակում• Նախարար Վահագն Խաչատուրյանը ընդունել է ՀՀ-ում ԵՄ պատվիրակության ղեկավար, դեսպան Անդրեա Վիկտորինին• Համագործակցության հեռանկարներ Պորտուգալիայի հետ՝ թվայնացման, ստարտափների զարգացման, տեխնոլոգիական արդյունաբերության բնագավառներում• ՀՀ ՊԵԿ նախագահը ՌԴ դաշնային հարկային ծառայության ղեկավարի հետ քննարկել է ոլորտում համագործակցության հարցեր• ՀՀ ֆինանսների նախարարության եւ ACCA-ի միջեւ կնքվել է փոխըմբռնման հուշագիր• Փոխվարչապետ Մհեր Գրիգորյանն ընդունել է Տնտեuական համագործակցության հարցերով հայ-ուկրաինական միջկառավարական համատեղ հանձնաժողովի համանախագահներին• ԱԶԲ-ն կֆինանսավորի էլեկտրաէներգիայի հասանելիության ընդլայնումը Հայաստանի մարզերում• Վահան Քերոբյանը Հայաստանում Մեծ Բրիտանիայի դեսպանի հետ քննարկել է համագործակցության ուղղությունները

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն