• Armenianeconomy.com

8.9 մլրդ դրամ կհատկացվի պետական նշանակության ավտոճանապարհների և տրանսպորտային օբյեկտների հիմնանորոգման նպատակով

Տեղի է ունեցել ՀՀ կառավարության հերթական նիստը, որը վարել է ՀՀ վարչապետի պաշտոնակատար Նիկոլ Փաշինյանը:

Նախքան օրակարգային հարցի քննարկումը, վարչապետի պաշտոնակատարն անդրադարձել է արտահերթ խոհրդարանական ընտրությունների արդյունքների ամփոփմանը, Ադրբեջանի սադրիչ քայլերի և առավելապաշտական նկրտումների հետևանքով տարածաշրջանում ռազմաքաղաքական իրավիճակի լարվածությանը, Հայաստանում աշխատատեղերի աճի դինամիկային, առաջին 6 ամսվա տվյալներով եկամտային հարկի հավաքագրման ցուցանիշների տարբերությանը, նոր տիպի կորոնավիրուսի հետ կապված իրադրութանը:

Գործադիրն ընդունել է որոշում ՀՀ 2021 թվականի պետական բյուջեով նախատեսված 1049 «Ճանապարհային ցանցի բարելավում» ծրագրի «21001 Պետական նշանակության ավտոճանապարհների հիմնանորոգում» միջոցառման համար կառավարության ներքո հաստատված միջոցներից 8.9 մլրդ դրամ Տարածքային կառավարման և ենթակառուցվածքների նախարարությանը հատկացնելու մասին: Ընդհանուր առմամբ, նախատեսված հիմնանորոգվող ավտոճանապարհների երկարությունը` 50.7կմ է, որից միջպետական նշանակության ավտոճանապարհներ` 44.9կմ, հանրապետական նշանակության ավտոճանապարհներ` 1.7կմ և մարզային նշանակության ավտոճանապարհներ` 4.15կմ: Ակնկալվող արդյունքն է պետական նշանակության ավտոճանապարհների և տրանսպորտային օբյեկտների հիմնանորոգում:

Որոշումը պայմանավորված է 2021 թվականի համար նախատեսված՝ Մ-2, Երևան-Երասխ-Գորիս-Մեղրի-Իրանի սահման միջպետական նշանակության ավտոճանապարհի կմ108+400 - կմ126+100 հատվածի հիմնանորոգման, Մ-2, Երևան-Երասխ-Գորիս-Մեղրի-Իրանի սահման միջպետական նշանակության ավտոճանապարհի կմ150+700 - կմ167+600 հատվածի հիմնանորոգման, Մ-2, Երևան-Երասխ-Գորիս-Մեղրի-Իրանի սահման կմ374+000 - կմ384+300 հատվածի հիմնանորոգման, Մ-4, Երևան-Սևան-Իջևան-Ադրբեջանի սահման միջպետական նշանակության ավտոճանապարհի կմ67+500 փլուզված հատվածի վերականգնման, Մ-10, Սևան-Մարտունի-Գետափ միջպետական նշանակության ավտոճանապարհի կմ122+000 - կմ124+000 հատվածում հողային պաստառի փլուզված հատվածների, պաշտպանիչ հենապատերի և կառուցվածքների վերակագնման, Հ-11, Մոտեցում Խոր Վիրապին հանրապետական նշանակության ավտոճանապարհի կմ0+000 - կմ1+700 հատվածի հիմնանորոգման, Տ-7-52, /Հ-21/ (Արթիկ) – Անուշավան – Փանիկ (Տ-7-53) ավտոճանապարհի կմ0+000 - կմ3+000 հատվածի հիմնանորոգման և Իջևան քաղաքի Սարիբեկ-Օհանյան փողոցի կմ0+000-կմ1+145 հատվածի հիմնանորոգման աշխատանքներով` շինարարության, տեխնիկական և հեղինակային հսկողության ծառայությունների ձեռքբերման համար ֆինանսական միջոցների նախատեսման անհրաժեշտությամբ:

Անդրադառնալով թեմային, վարչապետի պաշտոնակատար Նիկոլ Փաշինյանը նշել է. «Ընդհանուր առմամբ՝ ճանապարհաշինարարությունը մեզ համար շատ կարևոր ուղղությունը է։ Ուզում եմ ընդգծել, որ այստեղ ևս մի թիրախային նպատակի միջանկյալ առումով հասել ենք: Խոսքը մեր ճանապարհների որակի մասին է։ Այսօր մենք կարող ենք ասել, որ ճանապարների շինարարության որակի առումով ունենք տեսանելի առաջընթաց, բայց եկեք պարոն Պապիկյան արձանագրենք, որ մենք դեռ չենք հասել այն նպատակին, որի մասին խոսում էինք 2018թ։ Խոսքը մեր ճանապարհների որակի բոլորովին նոր ստանդարտի հասնելու մասին է:

Ուզում եմ նաև բարձրաձայնել այն թեմաները, որոնց մասին մենք մի քանի անգամ աշխատանքային քննարկումների ժամանակ խոսել ենք։ «Քաղաքացիական պայմանագիր» կուսակցության նախընտրական ծրագրով պարտավորվել ենք առաջիկա հինգ տարիներին կառուցել 2600կմ ճանապարհ, 500 մանկապարտեզ, 300 դպրոց, սկսել կամ ավարտին հասցնել 15 ջրամբարների շինարարություն»: Նիկոլ Փաշինյանը նշել է, որ վերլուծությունը ցույց է տալիս, որ այսօր Հայաստանում գործող շինարարական ներուժը հնարավորություն չի տալիս այս ծրագրերն ամբողջությամբ իրականացնել՝ մանրամասնելով, որ բոլոր շինարարական կազմակերպությունները չունեն այնքան պոտենցիալ։ Նիկոլ Փաշինյանը հրավիրել է միջազգային գործընկերների ուշադրությունը այս խնդրի վրա և հրավիրել քննարկումների՝ առաջիկա հինգ տարվա այս հսկայածավալ ներդրումային ծրագրերը կյանքի կոչելու ուղղությամբ համագործակցելու։ Վարչապետի պաշտոնակատարը հույս է հայտնել, որ այդ շինարարական ընկերությունների հետ Հայաստան կգան շինարարական նոր ստանդարտներ, շինարարական աշխատանքի կազմակերպման նոր որակ:

Ֆինանսների նախարարի պաշտոնակատար Ատոմ Ջանջուղազյանի կարծքով, Նիկոլ Փաշինյանի հնչեցրած ուղերձում խոսք է գնում միջազգային գործընկերների մասին, բայց տեղական ընկերությունները տեսնելով այն մեծ պոտենցիալը, որն ընձեռվում է իրենց, պետք է ջանք գործադրեն որակի բարձրացման ուղղությամբ:

Կբարձրացվի «Կորոնավիրուսի տնտեսական հետևանքների չեզոքացման 1-ին միջոցառման» շրջանակում տրամադրվող օժանդակության արդյունավետությունը

Կառավարությունը որոշում է ընդունել Հայաստանի Հանրապետության կառավարության մի շարք որոշումներում փոփոխություններ կատարելու մասին: Այն պայմանավորված է առանձին տնտեսավարողների մոտ կորոնավիրուսի շարունակվող ազդեցության հետևանքով առաջացած ընթացիկ իրացվելիության հետ կապված խնդիրների մեղմման, փոփոխված տնտեսական իրավիճակում վերջիններիս զարգացմանը նպաստելու և փոփոխված իրավիճակում «Կորոնավիրուսի տնտեսական հետևանքների չեզոքացման 1-ին միջոցառման» շրջանակում տրամադրվող օժանդակության արդյունավետության բարձրացման անհրաժեշտությամբ։

Նախագծով առաջարկվում է միջոցառման շրջանակներում տրամադրվող օժանդակության պայմանների վերանայում, մասնավորապես՝ 1. տնտեսավարողների շրջանակի ընդլայնում՝ ՀՀ Սյունիքի մարզում կառուցապատում իրականացնող կազմակերպությունների մասով, 2. միջոցառման շրջանակում տրամադրվող վարկերի օգտագործման նպատակների վերանայում՝ ընթացիկ ֆինանսական խնդիրների լուծման և գործունեության արդյունավետության բարձրացման հնարավորությունների սահմանում, 3. միջոցառման շրջանակում տրամադրվող վարկերի նկատմամբ ներկայացվող պահանջների վերանայում՝ սահմանաչափի և տոկոսադրույքի բարձրացում, արտոնյալ ժամանակահատվածի երկարացում, միաժամանակ՝ պետության կողմից սուբսիդավորման ժամկետի կրճատում, 4. տնտեսավարողներին ներկայացվող պահանջների սահմանում՝ կորպորատիվ կառավարման համակարգի խթանման մեխանիզմերի ներդրման միջոցով։ Ակնկալվող արդյունքն է միջոցառման շրջանակում տրամադրվող օժանդակության արդյունավետության բարձրացում՝ շահառուների թիրախային ընտրության և վարկային միջոցների նպատակային օգտագործման մեխանիզմների մշակման միջոցով։

Նիկոլ Փաշինյանի հարցադրմանը, թե այս ծրագրի շահառու դարձած ընկերություններն ի՞նչ են ստանում, Էկոնոմիկայի նախարարի պաշտոնակատար Վահան Քերոբյանը նշել է, որ եթե նախկինում սուբսիդավորվում էր ամբողջ վարկի ընթացքում տոկոսների կեսը կամ 4-12 տոկոսը տարբեր կոմպոնենտների մասով, այժմ սուբսիդավորվում է առաջին տարվա ամբողջ տոկոսը, բայց հետո դառնում է կոմերցիոն վարկ և պետք է սպասարկվի առանց կառավարության միջամտության:

Ի լրումն այս ամենի, փոխվարչապետի պաշտոնակատար Մհեր Գրիգորյանը հավելել է, որ այստեղ կա ևս մեկ բաղադրիչ՝ կապիտալի համալրման գործիք, ինչը համարել է չափազանց կարևոր:


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Օրենսդրություն
• ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2018 ԹՎԱԿԱՆԻ ՕԳՈՍՏՈՍԻ 9-ի N 898-Ն ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ• Մինչև 3 հա հողատարածքները կաթիլային, անձրևացման ոռոգման համակարգերի ներդրման դեպքում ջրօգտագործողներին ոռոգման ջրի վարձավճարի փոխհատուցման ծրագիրը հաստատելու մասին• ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2009 ԹՎԱԿԱՆԻ ՄԱՐՏԻ 12-Ի N 256-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ• Կառավարության որոշմամբ պարզեցվելու և թվայնացվելու է հիփոթեքային վարկի սպասարկման եկամտային հարկի գումարների վերադարձման գործընթացը• Հոկտեմբերի 1-ից ուժի մեջ մտնող Covid-19 կանոնակարգումը հավասարապես ազդելու է նաև պետական պաշտոններ զբաղեցնող անձանց վրա• Ովքե՞ր կարող են խնամվել շուրջօրյա խնամքի հաստատություններում և ի՞նչ փաստաթղթեր են անհրաժեշտ• «ԳՈՒՅՔԻ ՆԿԱՏՄԱՄԲ ԻՐԱՎՈՒՆՔՆԵՐԻ ՊԵՏԱԿԱՆ ԳՐԱՆՑՄԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ• «Հայաստանի Հանրապետության հարկային օրենսգրքում փոփոխություններ կատարելու մասին» և «Պետական տուրքի մասին» Հայաստանի Հանրապետության օրենքում լրացում կատարելու մասին» Հայաստանի Հանրապետության օրենքների նախագծեր• «Հայաստանի Հանրապետության կառավարության 2005 թվականի սեպտեմբերի 22-ի N2168-Ն որոշման մեջ փոփոխություն և լրացում կատարելու մասին» Կառավարության որոշման նախագիծ

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն