• Armenianeconomy.com

Կայացել է Ներառական արժեշղթաների միջոցով պարենային կայուն համակարգերի ստեղծման առաջին երկփուլ երկխոսությունը

Ապրիլի 27-ին, ՄԱԿ-ի 2021 թվականի Պարենային համակարգերի գագաթնաժողովի (UN Food Systems Summit 2021) շրջանակում, Երևանում կայացել է Ներառական արժեշղթաների միջոցով պարենային կայուն համակարգերի ստեղծման առաջին երկփուլ երկխոսությունը։

Հայաստանի գագաթնաժողովի ազգային ղեկավար,  ՀՀ էկոնոմիկայի նախարարի տեղակալ Արման Խոջոյանն ընդգծել է, որ ՄԱԿ-ի 2021 թվականի Պարենային համակարգերի գագաթնաժողովն ազդեցիկ մտքեր գեներացնելու հարթակ է, որտեղ կհստակեցվեն երկրում պարենային համակարգերի առաջնահերթությունները, դրանց իրականացման առավել արդյունավետ ուղիները և Հայաստանի հեռանկարները։

«Այսօր ամբողջ աշխարհում 4 մլրդ մարդ ուղղակիորեն և անուղղակիորեն աշխատում է պարենային համակարգում, որոնցից 690 մլն մարդ թերսնվում է։ COVID-19 համավարակի պայմաններում կանխատեսվում է, որ այս թիվը կավելանա ևս 100 մլն-ով: Միևնույն ժամանակ աշխարհի ծայրահեղ աղքատների 80 տոկոսը հենց ապրում է գյուղական վայրերում և զբաղվում գյուղատնտեսությամբ: Այս ոլորտում անհրաժեշտ են կտրուկ քայլեր», - ասել է էկոնոմիկայի փոխնախարարը։

2020 թվականը ստիպեց բոլորին վերանայել ու գնահատել ազգային կարողությունները, դիտարկել նոր հնարավորություններ, ինչպես նաև կայուն քայլեր ձեռնարկել պարենային համակարգերի անխափան աշխատանքն ապահովելու համար: Փոխնախարարը հավելել է, որ անհրաժեշտ է միջոցառումներ իրականացնել առողջ սննդի հասանելիությունն ամբողջ երկրում ապահովելու համար՝ կրճատել հետբերքահավաքային կորուստները և ստեղծել վերաօգտագործման, վերամշակման ու մնացորդային կառավարման մոտեցումների միջոցով գյուղատնտեսական համակարգերի լավ միջավայր և նոր լոգիստիկ շղթաներ։

Ազգային երկխոսության համակարգող, Հայաստանի ազգային ագրարային համալսարանի ռեկտոր Վարդան Ուռուտյանը, միջոցառման բացմանը նշել է, որ  սննդամթերքի արտադրության և սպառման այսօրվա մեթոդը բացասական ազդեցություն է ունենում բնակչության առողջության և բարեկեցության, շրջակա միջավայրի և բնական պաշարների վրա՝ ուղեկցվելով կենսաբազմազանության կորստին, ջրային պաշարների սղությանը, անտառազերծմանը, ջերմոցային գազերի արտանետումներին և սննդամթերքի վատնումներին առնչվող մտահոգություններով։ Նա հույս է հայտնել, որ ազգային մակարդակի այս երկխոսությունները կհանգեցնեն հարակայուն պարենային համակարգերի ազգային ուղղվածությունների հաստատմանը և առաջիկա գործողությունների ճանապարհային քարտեզի ձևավորմանը։

Հայաստանում ՄԱԿ-ի մշտական համակարգող Շոմբի Շարփն իր ելույթում նշել է, որ երկխոսության միջոցով Հայաստանի տեսակետները, կարիքները և գերակայությունները հաղորդակցվում են աշխարհին՝ վերածվելով կոնկրետ գործողությունների և ծրագրերի։ «Ես լավատես եմ՝ անկանխատեսելի այս աշխարհում մենք կհասնենք ամուր պարենային համակարգերի այս և երկրորդ երկխոսության ակնկալվող արդյունքներով», - ասել է Շոմբի Շարփը։

Գագաթնաժողովի շրջանակում կայացել են պանելային քննարկումներ ագրոպարենային արտադրանքի մատակարարման շղթաների դիմացկունության   և սննդամթերքի անվտանգություն վերաբերյալ, որոնք համահունչ են գագաթնաժողովի 5 նպատակներին՝ անվտանգ և սննդարար սննդամթերքի հասանելիության ապահովում բոլորի համար, անցում սպառման հարակայուն մոդելների, բնապահպանական առումով մաքուր արտադրանքի արտադրության ծավալների ավելացում, ապրուստի առկա միջոցների խթանում և խոցելիության, ցնցումների, սթրեսների նկատմամբ դիմադրողականության բարձրացում:

Գագաթնաժողովը հնարավորություն էր ընձեռել քննարկումներին հետևել նաև առցանց՝ նախարարության ֆեյսբուքյան էջից ուղիղ միացմամբ։

mineconomy.am

 


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Միջազգային համագործակցություն
• ԱՄՆ-ն պատրաստ է Հայաստանին աջակցել բարձր տեխնոլոգիական ոլորտի ձեռնարկությունների էկոհամակարգ ստեղծելու հարցում• Գազի ընդհանուր շուկայի ստեղծման մասին պայմանագիրը պատրաստ կլինի այս տարի և կուղարկվի ԵԱՏՄ անդամ երկրներին• Հայաստանն ու Իրանը պլանավորում են օպերատիվ կապ ստեղծել Մեղրիի և Նորդուզ անցակետերի միջև• Հայաստանն ընդգրկվել է ՄԱԿ ԶՀԿ գործադիր խորհրդի կազմում• Վահան Քերոբյանն ընդունել է Հայաստանում Չինաստանի Ժողովրդական Հանրապետության արտակարգ և լիազոր դեսպան Յուն Ֆանին• Վահան Քերոբյանը չինական ընկերություններին հրավիրել է մասնակցել Հայաստանում նախատեսվող նոր նախագծերի• Հայկ Չոբանյանը Ճապոնիայի դեսպանի հետ քննարկել է համագործակցության մի շարք հնարավորություններ• Նուր-Սուլթանում կայացել է տնտեսական համագործակցության հարցերով հայ- ղազախական միջկառավարական հանձնաժողովի 8-րդ նիստը• Արտաշատ-Մեղրի ճանապարհ, ներդրումային ծրագրեր, նոր չվերթներ․ Իրանի նախարարը ներկայացնում է համատեղ նախագծերը

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն