• Armenianeconomy.com

Մաքսատուրքերի զրոյացում, թեստերի փոխճանաչում. ՀՀ-ի նախաձեռնությամբ ինչ հաջող ծրագրեր են ընթանում ԵԱՏՄ-ում

 Մեկ այլ համատեղ նախաձեռնությամբ էլ կյանքի է կոչվել Covid-19-ի թեստերի փոխճանաչման պիլոտային ծրագիրը: «Արմենպրես»-ի հետ զրույցում այս մասին ասաց ՀՀ էկոնոմիկայի փոխնախարար Վարոս Սիմոնյանը:

«ԵԱՏՄ շրջանակներում Հայաստանի վերջին նախաձեռնությունը կապված է Եվրասիական զարգացման բանկի «Ճանապարհորդիր առանց Covid-19-ի» պիլոտային ծրագիրի հետ, որի ուղղությանբ մշակվել են թվային հավելվածը և սահմանվել են պայմանները, որոնց համաձայն՝ լաբորատորիաները կարող են տրամադրել ՊՇՌ թեստերը: Այսպիսով լուծել ենք մարդկանց ազատ տեղաշարժի, ինչպես նաև մեկ այլ կարևոր խնդիր՝ մեր լաբորատորիաների կողմից տրամադրված  արդյունքները ճանաչվում են ՌԴ-ի կողմից»,-ասաց Սիմոնյանն ու հավելեց, որ պիլոտային նախաձեռնությանը միացել են նաև Բելառուսը և Ղազախստանը:

Այսպիսով, այս նախաձեռնությունը կնպաստի ԵԱՏՄ տարածքում համավարակի ժամանակ մարդկանց ազատ տեղաշարժին՝ հնարավորինս քիչ ռիսկով:

Համավարակի տարածման սկզբնական շրջանում դեռ Հայաստանը նախաձեռնել էր բժշկական սարքավորումների, պարենային անվտանգության մաս կազմող ապրանքների ներմուծման մաքսատուրքերի զրոյացում՝ 6 ամիս ժամկետով: «Դա ևս ողջունվել է ԵԱՏՄ անդամ երկրների կողմից: Մարտի վերջից արդեն բժշկական սարքավորումների և որոշ դեղամիջոցների ներմուծման մաքսատուրքերը զրոյացվել էին մինչև սեպտեմբեր, ժամկետը երկարաձգվել է մինչև մայիս: Սակայն փոփոխված որոշման մեջ նախկին 60-ի փոխարեն ներառվել է 30 ապրանք»,-ասաց փոխնախարարն ու հավելեց, որ ցանկում մնացել են այն ապրանքատեսակները, որոնց տեղական արտադրության հզորությունները դեռ բավարար չեն:

Սիմոնյանը հիշեցրեց, որ այդ ժամանակ որոշ ապրանքատեսակների պահանջարկը մեծ էր, դրանց տեղական արտադրություններն էլ դեռ շատ զարգացած չէին: Դիմակի, ձեռնոցի, այլ պաշտպանիչ միջոցների քիչ ծավալների պատճառով գները բարձրացել էին: «Այդ ժամանակ օդի պես պետք էր զրոյական մաքսատուրքով ապրանքատեսակներ ներմուծել, որպեսզի առաջացած բեռը հնարավորինս թուլացնեինք», - նշեց նա:

Հայաստանը համավարակի ժամանակ նախաձեռնել է նաև «Կանաչ միջանցքներ» -ի գաղափարը՝ ԵԱՏՄ երկրների համար, ինչը ենթադրում է միության մի երկրից մյուսը ապրանքների տեղափոխման ժամանակ ստուգման դյուրացված մեխանիզմներ: «Մեր պարագայում դա չափազանց անհրաժեշտ էր, քանի որ ԵԱՏՄ անդամ այլ երկրների շուկա մուտք գործելու համար անցնում ենք երրորդ երկրի տարածքով: Վերին Լարսի անցակետում էլ խնդիրներ էին առաջանում՝ պայմանավորված բեռնվածությամբ, երբեմն եղանակային պայմաններով»,-ասաց Սիմոնյանն ու հավելեց՝ նախատեսվում է կիրառության մեջ դնել նաև նավիգացիոն կապարակնիքները, որոնց շնորհիվ առանց որևէ խնդրի կապահովվի ապրանքների տեղաշարժը Միության տարածքով:

ԵԱՏՄ տարածքով ապրանքների ազատ տեղաշարժման ապահովվածության տարաձայնությունների և վեճերի հարցերի վերացման ուղղությամբ բարձր մակարդակի աշխատանքային խումբ է ստեղծվել: Դրա շրջանակում պայմանավորվածություն է ձեռք բերվել մինչև տարվա վերջ ապահովել Վերին Լարս մաքսային անցակետում ապրանքների անխափան տեղաշարժը՝ նավիգացիոն կապարակնիքների առկայությամբ: «Ռուսական կողմը հայկական կողմին կհատկացնի հատուկ տարածք Վլադիկավկազում, որտեղ հայկական բեռնատարները հնարավորություն կունենան կապարակնիքները հանել, և միայն անհրաժեշտության դեպքում կիրականացվի փաստաթղթերի ստուգման գործընթաց: Այդ կարգավորումն ուղղված է հսկողության նվազեցմանը, ինչպես նաև Վերին Լարսի մաքսային անցակետում կուտակումների բացառմանը»,-ասաց Սիմոնյանը:

armenpress.am


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Միջազգային համագործակցություն
• Տեղի է ունեցել «Հայաստան՝ աջակցություն հակամարտությունից տուժած ընտանիքներին» ծրագրի հանրային քննարկումը• ԵԱՏՄ անդամ երկրներում մեկնարկել է ձեռնարկատիրության աջակցության նոր ծրագիր• Ռուսաստանյան, չինական, արաբական ընկերությունները հետաքրքրված են ՀՀ-ի վերականգնվող էներգետիկայի շուկայով• Վերակառուցման և զարգացման միջազգային բանկի և ՀՀ Կառավարության համագործակցության շրջանակում գումար կհատկացվի արցախահայության աջակցության ծրագրերին• Նախարարի տեղակալ Վ․ Տերտերյանը մասնակցել է «Հայաստանում ՏԻՄ-երի ֆիսկալ ինքնավարության և ֆիսկալ կարողությունների բարձրացում» թեմայով տեսակոնֆերանսին• Հայաստանն ու Ղազախստանը կարևորել են Երևան-Նուր-Սուլթան-Երևան ուղիղ ավիաչվերթի վերաբացումը• «Արդյունաբերությունը ԵԱՏՄ տնտեսական համակարգի շարժիչ ուժերից է». Նիկոլ Փաշինյանի ելույթը Կազանում• «Մաջիդ Ալ Ֆութաիմ Գրուպ, Քարֆուր Հայաստանը» կընդլայնի իր գործունեությունը Հայաստանում․ Վահան Քերոբյանը հանդիպում է ունեցել գլխավոր տնօրեն Վաչե Արսենի հետ• Կայացել է Ներառական արժեշղթաների միջոցով պարենային կայուն համակարգերի ստեղծման առաջին երկփուլ երկխոսությունը

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն