• Armenianeconomy.com

Քննարկվել են ՀՀ աշխատանքային օրենսգրքում եւ «Բնակչության բժշկական օգնության եւ սպասարկման մասին» օրենքում առաջարկվող լրացումներն ու փոփոխությունները

ԱԺ առողջապահության եւ սոցիալական հարցերի մշտական հանձնաժողովը հուլիսի 16-ի արտահերթ նիստում Նարեկ Զեյնալյանի նախագահությամբ երկրորդ ընթերցման ընթացակարգով քննարկել է «Հայաստանի Հանրապետության աշխատանքային օրենսգրքում լրացումներ եւ փոփոխություններ կատարելու մասին» ՀՀ օրենքում փոփոխություն եւ լրացումներ կատարելու մասին» Կառավարության հեղինակած օրինագիծը: Նախաձեռնության նպատակը հանրության մոտ գտնվող աշխատանքային գրքույկների թվայնացման գործընթացի կարգավորումն է: Կառավարությունն առաջարկում է երկարացնել գործատուների կողմից գրքույկները ներկայացնելու համար սահմանված ժամկետը մինչեւ 2022 թ. հունվարի մեկը: ՀՀ աշխատանքի եւ սոցիալական հարցերի նախարարի տեղակալ Սմբատ Սաիյանը տեղեկացրել է, որ առաջինից երկրորդ ընթերցման ընթացակարգում առաջարկներ չեն եղել:

Երկրորդ ընթերցմամբ քննարկվել է նաեւ «Բնակչության բժշկական օգնության եւ սպասարկման մասին» օրենքում լրացումներ կատարելու մասին» օրինագիծը, որը հեղինակել են ԱԺ պատգամավորներ Նարեկ Զեյնալյանը,Կորյուն Մկրտչյանը, Արփինե Դավոյանը, Լուսինե Բադալյանը, Հրաչյա Հակոբյանը եւ Կարեն Սարուխանյանը: Օրինագծի համահեղինակ Նարեկ Զեյնալյանը նշել է, որ նախագծի ընդունմամբ ակնկալվում է ստեղծել արտակարգ իրավիճակներում առողջապահության բնագավառի գործունեության պլանավորման միասնական եւ արդյունավետ համակարգ, որն էապես կնպաստի արտակարգ իրավիճակների արդյունքում առաջացող առողջապահական ռիսկերի առավել օգտավետ կառավարմանը: Նշվել է, որ առաջին ընթերցումից հետո որոշ փոփոխություններ են առաջարկվել. արտակարգ իրավիճակներում առողջապահության բնագավառի գործունեության պլաններից բխող համապատասխան արտակարգ իրավիճակներում բժշկական օգնության եւ սպասարկման կարգը պետք է հաստատի լիազոր մարմնինը՝ արտակարգ իրավիճակ հայտարարելուց ոչ ուշ, քան 72 ժամվա ընթացքում (նախկինում նախատեսվում էր 48 ժամ):

Ներկայացնելով Կառավարության տեսակետը՝ ՀՀ առողջապահության նախարարի առաջին տեղակալ Անահիտ Ավանեսյանը բարձրաձայնել է գործադրի առաջարկները, որոնց համաձայն արտակարգ իրավիճակներում բժշկական օգնության եւ սպասարկման կարգը կախված արտակարգ իրավիճակի առաջացման հիմքից պետք է սահմանի առողջապահության բնագավառի  լիազոր մարմինը, ինչը կիրառելի կլինի բժշկական օգնություն եւ սպասարկում իրականացնող բոլոր կազմակերպությունների համար: Առաջարկվում է կարգի հաստատման ժամկետը սահմանել ընդհանուր ընթացակարգերով, բայց եթե կլինեն արտակարգ իրավիճակի պայմաններում հիմնական օրենքով սահմանված ժամկետի արագացված ընթացակարգեր, ապա լիազոր մարմինը կաշխատի այդ ձեւաչափով: Առողջապահության բնագավառի գործունեության պլանը սահմանվում է առողջապահության բնագավառի լիազոր մարմնի կողմից, արտակարգ իրավիճակի դեպքում առողջապահության բնագավառի լիազոր մարմինն արտակարգ իրավիճակի առաջացման հիմքով պայմանավորված մշակում եւ հաստատում է առողջապահության բնագավառի արագ արձագանքման պլան:

Կառավարության ներկայացուցչի եւ պատգամավորների քննարկումների արդյունքում որոշվել է, որ արտակարգ իրավիճակներով պայմանավորված բժշկական օգնության եւ սպասարկման կարգը կախված արտակարգ իրավիճակի առաջացման հիմքից պետք է սահմանի առողջապահության բնագավառի  լիազոր մարմինը՝ ողջամիտ ժամկետում: Առողջապահության բնագավառի գործունեության պլանները եւս պետք է մշակի եւ հաստատի առողջապահության բնագավառի լիազոր մարմինը: Պլանը լինելու է արտակարգ իրավիճակում առողջապահության բնագավառի գործունեությունը նկարագրող փաստաթուղթ: Արտակարգ իրավիճակներով պայմանավորված բժշկական օգնության եւ սպասարկման կարգը անկախ սեփականության ձեւից պետք է ներառի բժշկական օգնություն եւ սպասարկում իրականացնող կազմակերպությունների կողմից ծառայությունների մատուցմանը ներկայացվող պահանջներ եւ միջոցառումներ՝ ուղղված մարդկանց կյանքին եւ առողջությանը սպառնացող հնարավոր հետեւանքների կանխարգելմանը:

Քննարկված նախաձեռնություններն արժանացել են հանձնաժողովի դրական եզրակացությանը:

parliament.am


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Օրենսդրություն
• «Հայաստանի Հանրապետության կառավարության 2015 թվականի հունվարի 30-ի N 71-Ն որոշման մեջ լրացումներ կատարելու մասին»• «Հայաստանի Հանրապետության կառավարության 2016 թվականի փետրվարի 18-ի N 134-Ն որոշումն ուժը կորցրած ճանաչելու մասին»• «Հայաստանի Հանրապետության կառավարության 2016 թվականի փետրվարի 18-ի N 483-Լ որոշման մեջ փոփոխություններ կատարելու մասին• Սպիտակ ձեռնափայտ՝ տեսողական խնդիրներ ունեցող անձանց ազատ կողմնորոշման ու անվտանգ տեղաշարժման համար․ տրամադրման գործընթացը շարունակվում է• Փոփոխություններ՝ մինչև երկու տարեկան երեխայի խնամքի նպաստի վճարման գործընթացում (Երևան, Գյումրի, Վանաձոր)• Վերաֆինանսավորման տոկոսադրույքը բարձրացվել է 0.5 տոկոսային կետով• ՀՐԱՊԱՐԱԿՎԵԼ Է ՀԱՐԿԱՅԻՆ ՏԱՐՎԱ ԱՐԴՅՈՒՆՔՆԵՐՈՎ ԱՊԱՌՔՆԵՐ ԿՈՒՏԱԿԱԾ ՀԱՐԿ ՎՃԱՐՈՂՆԵՐԻ ՑԱՆԿԸ• Մեր երկրի կապի ոլորտում փորձ է արվում ներդնել շարժական կապի լայնաշերտ 5G տեխնոլոգիաները • Հայաստանի Հանրապետությունում 2021/2022 ուսումնական տարվա՝ պետության կողմից ուսանողական նպաստների ձևով ուսման վարձի լրիվ փոխհատուցմամբ (անվճար), առկա ուսուցմամբ կլինիկական օրդինատուրայի (ըստ մասնագիտությունների) և ինտերնատուրայի ընդունելության տեղերն հաստատելու մասին» Հայաստանի Հանրապետության կառավարության որոշման նախագիծ

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն