• Armenianeconomy.com

Քննարկվել են ՀՀ 2019 թվականի պետական բյուջեի կատարողականը, ՀՀ ԿԲ եւ ՀՀ հաշվեքննիչ պալատի տարեկան հաղորդումներն ու բանկային համակարգին, հաշվապահական հաշվառմանն առնչվող նախագծեր

ՀՀ ԱԺ ֆինանսավարկային եւ բյուջետային հարցերի մշտական հանձնաժողովը Մանե Թանդիլյանի նախագահությամբ հունիսի 15-ին հրավիրած նիստում առաջին ընթերցմամբ քննարկել է ԱԺ պատգամավոր Արտակ Մանուկյանի հեղինակած «Բանկերի եւ բանկային գործունեության մասին» ՀՀ օրենքում փոփոխություններ եւ լրացումներ կատարելու մասին» օրինագիծը: Հեղինակն առաջարկում է  Բանկի կանոնադրական հիմնադրամում փոքր մասնակցություն ունեցող մասնակիցների ներկայացուցչի առաջադրման, ընտրության եւ բանկի խորհրդում ընդգրկման, ինչպես նաեւ բանկի մասնակիցներին տեղեկատվության ներկայացման կարգը սահմանել կանոնադրությամբ: Բանկի խորհրդի անդամը կարող է միաժամանակ լինել այլ բանկի խորհրդի անդամ, եթե նա ունի բանկային կամ ապահովագրության կամ արժեթղթերի շուկայի ոլորտում առնվազն վեց տարվա մասնագիտական ստաժ: Նշվել է նաեւ, որ ներկա օրենսդրական կարգավորումներով թեեւ հնարավորություն է տրված բանկերի մասնակիցներին իրենց շահերը պաշտպանելու նպատակով բանկի խորհրդի կազմում ունենալ ներկայացուցիչներ, սակայն, երբեմն անհրաժեշտություն է առաջանում առավել ամբողջական եւ համակարգային մոտեցման, որի առկայությունը կարող են ապահովել բանկի խորհրդի որոշ անդամներ, ովքեր նշված գործառույթը հնարավորություն կունենան իրականացնել մեկից ավել բանկերում կամ վարկային կազմակերպություններում: Ըստ պատգամավորի` ներկայացված փոփոխությունները միտված են հնարավորություն ընձեռնելու բանկերի խորհուրդներին առավել բարձր կառավարման որակ ապահովելուն:

Հարակից զեկուցողներ ԱԺ պատգամավոր Եղիշե Սողոմոնյանն ու ԿԲ նախագահի տեղակալ Ներսես Երիցյանը կարեւորելով նախագծի ընդունումը` կոչ են արել կողմ քվեարկել: Օրենքի նախագիծը ստացել է դրական եզրակացություն:

Առաջին ընթերցմամբ քննարկվել է Կառավարության հեղինակած  «Հանրային հատվածի կազմակերպությունների հաշվապահական հաշվառման մասին» ՀՀ օրենքում փոփոխություններ եւ լրացումներ կատարելու մասին» օրենքի նախագիծը: ՀՀ ֆինանսների նախարարի տեղակալ Արման Պողոսյանի հավաստմամբ` օրինագծով հստակ սաhմանվում  է ՀՀ ֆինանսների նախարարության պարտականությունը` իրականացնելու մշտադիտարկում հանրային հատվածի կազմակերպությունների կողմից հաշվապահական հաշվառման վարման եւ ֆինանսական հաշվետվությունների պատրաստման գործընթացի նկատմամբ եւ անհրաժեշտության դեպքում տրամադրելու մեթոդական ցուցումներ:

Նախատեսվում է նաեւ փոփոխել վերահսկող կազմակերպությունների կողմից համախմբված ֆինանսական հաշվետվությունների (միջանկյալ համախմբված ֆինանսական հաշվետվություններ) եւ ՀՀ` որպես մեկ միասնական միավորի, ֆինանսական հաշվետվությունների պատրաստման ժամկետները:

Նշվել է, որ նախագծի ընդունմամբ ակնկալվում է ապահովել հանրային հատվածի կազմակերպությունների հաշվապահական հաշվառման ամբողջական համակարգի ներդրումը:

Պատգամավորները հիմնականում կողմ են արտահայտվել: Նախագծին տրվել է դրական եզրակացություն:

Հանձնաժողովականները քննարկել են «Հայաստանի Հանրապետության կառավարության եւ Գերմանիայի Դաշնային Հանրապետության կառավարության միջեւ 2016 թվականի ֆինանսական համագործակցության մասին» համաձայնագիրը վավերացնելու մասին» օրենքի նախագիծը: ՀՀ ֆինանսների նախարարի տեղակալ Արմեն Հայրապետյանը տեղեկացրել է, որ ՀՀ եւ ԳԴՀ կառավարությունների միջեւ 2019թ. հոկտեմբերի 24-ին ստորագրվել է 2016թ. ֆինանսական համագործակցության մասին համաձայնագիրը, որով գերմանական կողմը հնարավորություն է տալիս ՀՀ կառավարությանը Վերականգնման վարկերի բանկից (KfW բանկ) ներգրավելու վարկային միջոցներ եւ  ֆինանսական օժանդակություն մի շարք ծրագրերի համար: Նշվել է, որ համաձայնագիրը շրջանակային է, ինչի ներքո հետագայում նախատեսվում է առանձին ֆինանսավորման կամ վարկային համաձայնագրերի ստորագրում` ըստ նախատեսված ծրագրերի:

Քննարկման արդյունքում հանձնաժողովը կողմ է քվեարկել:

ՀՀ ֆինանսների նախարար Ատոմ Ջանջուղազյանի ներկայացմամբ` հանձնաժողովականները քննարկել եւ հաստատել են «ՀՀ 2019 թվականի պետական բյուջեի կատարման տարեկան հաշվետվությունը հաստատելու մասին» ԱԺ որոշման նախագիծը: Նախարարը փաստել է, որ 2019 թվականի պետական բյուջեի կատարման տարեկան հաշվետվությունը եկամուտների գծով` 1,565,488,916.8 հազար դրամ, ծախսերի գծով` 1,629,436,862.4 հազար դրամ, բյուջեի դեֆիցիտը` 63,947,945.6 հազար դրամ: Նա շեշտադրել է, որ 2019թվականի բյուջեն բխում է Կառավարության ծրագրային հիմնադրույթներից եւ նպատակաուղղված է եղել մեր երկրի զարգացմանը:

ՀՀ ֆինանսների նախարար Ատոմ Ջանջուղազյանը ներկայացրել է նաեւ ՀՀ 2020թվականի պետական բյուջեի առաջին եռամսյակի կատարման ընթացքի վերաբերյալ տեղեկանքը:

ՀՀ ԿԲ նախագահ Մարտին Գալստյանը ներկայացրել է ՀՀ կենտրոնական բանկի գործունեության վերաբերյալ տարեկան հաղորդումը: Հաշվետու ժամանակահատվածում պահպանվել է ցածր գնաճային միջավայր եւ Կենտրոնական բանկը շարունակել է խթանող դրամավարկային քաղաքականություն:
 
2019թվականին գնաճը ձեւավորվել է ծրագրված ցուցանիշից ավելի ցածր մակարդակում, որը հիմնականում պայմանավորվել է իրականացված առավել զսպողական հարկաբյուջետային քաղաքականությամբ եւ արտաքին աշխարհում սպասվածից թույլ պահանջարկով: Կենտրոնական բանկը շարունակել է վարել խթանող դրամավարկային քաղաքականություն, սակայն մշտապես նախապատվությունը տրվել է գնաճի' իր նպատակային ցուցանիշի շուրջ աստիճանական խարսխմանը: Հարկ է նշել, որ 2019 թվականի սկզբից որոշ ապրանքախմբերի մաքսային դրույքաչափերի փոփոխության գնաճային ազդեցությունը, ինչպես եւ գնահատվում էր, կազմել է շուրջ 0.3 տոկոսային կետ, որը հիմնականում պայմանավորված էր թռչնամսի գնի աճով: Ինչ վերաբերում է ակցիզային հարկի դրույքաչափերի փոփոխության արդյունքում ծխախոտային արտադրատեսակների եւ ալկոհոլային խմիչքի գների փոփոխությանը, ապա ընդհանուր գնաճի վրա փաստացի ազդեցությունը կազմել է 0.2 տոկոսային կետ: Տնտեսական աճին մեծապես նպաստել է ներքին պահանջարկի աճը ` պայմանավորված հիմնականում մասնավոր սպառման բարձր աճով, որը կազմել է 13.3%:

ԿԲ նախագահն անդրադարձել է նաեւ ներմուծման ու արտահանման ծավալներին, տնտեսության ոլորտի տարբեր խնդիրներին, ինչպես նաեւ կորոնավիրուսի հետ կապված ընթացիկ տարվա առաջին եռամսյակի ցուցանիշներին:

Քննարկվել է ՀՀ հաշվեքննիչ պալատի 2019 թվականի գործունեության վերաբերյալ տարեկան հաղորդումը: Պալատի նախագահ Լեւոն Յոլյանը տեղեկացրել է, որ հաշվետու տարում նախատեսված 32 հաշվեքննությունից 25 ավարտվել է, մեկը` կասեցվել, 6-ն օրենքի ուժով տեղափոխվել է 2020թվական: 2019թվականին հաշվեքննության շրջանակը ներառել է սոցիալական ապահովության, գիտության, կրթության եւ մշակույթի, առողջապահության, էներգետիկայի, պաշտպանության եւ անվտանգության, պետական պարտքի, էկոնոմիկայի, ենթակառուցվածքների եւ այլ ոլորտներ: ՀՀ տարածքային կառավարման եւ ենթակառուցվածքների նախարարության կողմից իրականացվող Հյուսիս-հարավ ծրագրի հաշվեքննության կասեցման համար հիմք է հանդիսացել հաշվեքննության արդյունքի վրա էական ազդեցություն ունեցող առանձին տեղեկությունների ճշտման անհրաժեշտությունը:

Տարեկան եւ եռամսյակային հաշվետվություններն ընդունվել են ի գիտություն:

Երկրորդ ընթերցմամբ քննարկվել եւ դրական եզրակացություն է ստացել Կառավարության հեղինակած «ՀՀ քաղաքացիական օրենսգրքում փոփոխություններ կատարելու մասին» եւ կից նախագծերի փաթեթը, որով փորձ է արվում նորովի կարգավորել լիզինգատուի եւ լիզինգառուի հետ կապված իրավահարաբերությունները: Ըստ ՀՀ էկոնոմիկայի փոխնախարար Նաիրա Մարգարյանի` առաջին ընթերցումից հետո փաթեթում կատարվել են տեխնիկական շտկումներ:

parliament.am


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Օրենսդրություն
• ՊԵԿ-ՈՒՄ ՏԵՂԻ Է ՈՒՆԵՑԵԼ ՀԱՆԴԻՊՈՒՄ ԱՐԺՈՒՅԹԻ ՄԻՋԱԶԳԱՅԻՆ ՀԻՄՆԱԴՐԱՄԻ ՆԵՐԿԱՅԱՑՈՒՑԻՉՆԵՐԻ ՀԵՏ• Արարատի, Լոռու և Գեղարքունիքի մարզերում տնային պայմաններում խնամքի ծառայություններ՝ տարեց և հաշմանդամություն ունեցող անձանց• «Երևան քաղաքում տեղական ինքնակառավարման մասին» Հայաստանի Հանրապետության օրենքում լրացումներ և փոփոխություններ կատարելու մասին• Ի՞նչպես դառնալ խնամատար ընտանիք․ ովքե՞ր և ինչպե՞ս կարող են դիմել• «Հայաստանի Հանրապետության կառավարության 2015 թվականի հունվարի 30-ի N 71-Ն որոշման մեջ լրացումներ կատարելու մասին»• «Հայաստանի Հանրապետության կառավարության 2016 թվականի փետրվարի 18-ի N 134-Ն որոշումն ուժը կորցրած ճանաչելու մասին»• «Հայաստանի Հանրապետության կառավարության 2016 թվականի փետրվարի 18-ի N 483-Լ որոշման մեջ փոփոխություններ կատարելու մասին• Սպիտակ ձեռնափայտ՝ տեսողական խնդիրներ ունեցող անձանց ազատ կողմնորոշման ու անվտանգ տեղաշարժման համար․ տրամադրման գործընթացը շարունակվում է• Փոփոխություններ՝ մինչև երկու տարեկան երեխայի խնամքի նպաստի վճարման գործընթացում (Երևան, Գյումրի, Վանաձոր)

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն